Wahyu 20:8 - Taaz Weru Witu u Nunuwu'en Tombulu

⁸ Si tonaas né sétang itii é malumulu sé tahsasana wanua witi epat zuhuna ung kaayahan. Sé tahsasana wanua itii ém pahkuan ‘Gog’ wo ‘Magog’, wo ni séra é réwoken ni tonaas né sétang itii i makumoro'. Wo ung kalakez néra én tanumokan an eris witi tasik.

Wahyu 20:8 Iomraidhean Croise

Ibrani 11:12

Niitumo, zozo' si Abraham tu'amo tanu i nimatémo, taan ni sia é nimakaileké sé suzu totoz lakez, tanumokan sé tototi'en witi langit wo an eris witi tembir un tasik, un zéi'kan karékénan ung kalakezna.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 16:14

Sé roh né sétang itiimo sé nimahwanguné a makakompo'en wo ni séra kasii sé manimenéro sé kolano wia péléng ung kaayahan i maesaan ing kumoro' witu un endo wangko' ni Opo Empung Si Totoz Mahkawasa si kumala sé kakoro'-Na.

Wahyu 20:10

Si tonaas né sétang si limulu sé tou itii é méiwerita witu un tasik api wo walélang melaya-layas, um wineritan kasii si binatang makaindé'en wo si nabi towo. Im witu ni séra péléng ém pahzézéhan endo wo wengi makaz ing kauré-uré.

Wahyu 20:3

An iweritnama si naga itii witu um woso um patéan. Ang kusi'ennamé um woso um patéan itii a segelennamé um wawona. Karia in téntu, si naga itii én zéi'mo mata'u lumulu sé tahsasana wanua witu u sana riwuna ta'un. Ing kimawusoma u sana riwuna ta'un, si naga itii én ipilot sumaup ni malaekat itii taan zéi'kan mauréma.

Wahyu 7:1

Kumawusa niitu, ilekengkuma sé malaekat epat rimendai witu un epat zuhuna ung kaayahan. Ni séra é nimapé' witu u reges sendangan, u reges timuh, u reges talikuzan wo u reges amian, wo a reges itii zéi'kan mahtoromé ung katanaan kaapa un tasik kaapa ang kai.