Wahyu 20:3 - Taaz Weru Witu u Nunuwu'en Tombulu

³ An iweritnama si naga itii witu um woso um patéan. Ang kusi'ennamé um woso um patéan itii a segelennamé um wawona. Karia in téntu, si naga itii én zéi'mo mata'u lumulu sé tahsasana wanua witu u sana riwuna ta'un. Ing kimawusoma u sana riwuna ta'un, si naga itii én ipilot sumaup ni malaekat itii taan zéi'kan mauréma.

Wahyu 20:3 Iomraidhean Croise

Matius 24:24

Pahpaan sé zéi'kan uli-ulit Mesias wo sé zéi'kan uli-ulit nabi é méyé wo ni séra é mangun a makakompo'en zéi'mo kakuaan, wo sa toro, ni séra kasii é lumulu sé tou pinéléngo ni Opo Empung.

Matius 27:66

A séra mangé witi lelewengan wo karia a sasawang né mahtéiz itii, u lelewengan itii é sinegel néramé wo tinéizan.

Markus 4:15

Am watuna tatanemen méikagogo witi lalan é masuat wo sé tou timalingama u Nuwu' ni Opo Empung, a méyé si tonaas né sétang a rengan méndoma u Nuwu' un taré talinga nérama.

Lukas 8:31

Sé sétang itii mahaléi wia si Yesus in tia' pahpeperénta-Na séra i muntep witu um woso um patéan, um pahukuman sé sétang.

2 Korintus 11:3

Taan ikaindé'ku én taa ung genang niou é méilulu makaz kamu zéi'mo uli-ulit mahkiit si Kristus, tanu si Hawa im puuna i méilulula ni ulé' karia ung kasigaanna i mahtowo.

2 Petrus 3:8

Katuari-katuari ikararaatéku, wéwéhan un totoz ing gena-genangen niou. Im wia si Mahpiara u sana endo é masuat uman wo u sana riwu ta'un, wo u sana riwu ta'un é masuat uman wo u sana endo.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 13:14

Si binatang kazua itii é mahlulu sé tou mahento' wia ung kaayahan karia a makakompo'en, a méiwéhémo wia ni sia im pahwangunen witu u sinaru ni binatang kataré. Méiatu ni binatang kazua itii sé tou mahento' wia ung kaayahan i mangun um patong ni binatang kataré, si pélaan im winira' taan menou-noupé', im pahsigi'en.

Wahyu 17:2

Sé kolano wia ung kaayahan é simamekola karia ni wéwéné sangaya itii. Maan sé mahento' wia ung kaayahan ém winangunnamola mahsamek pahpaan in tewelen nimelep un anggor méiwéhéna.”

Wahyu 17:8

Si binatang makaindé'en niilekmuma ing kataré, im puuna ni sia ém wiamo, taan in tarékan én zéi'mo wia. Ni sia é mondolé im witu um woso um patéan i maléwo'en. Sé tou mahento' wia ung kaayahan, sé zéi'kan méipantik witu ung kitap katou-touan rengané ung kaayahan kenu im winangun é mengusi-ngusingsing i nimileka si binatang, si im puuna ém wiamo taan in tarékan én zéi'mo wia wo mawia sumaup.

Wahyu 20:1

An ilekengkuma si malaekat esa timumpamé im witi kasendukan timion ung kusi' um woso um patéan wo u ranté tua'na.