Wahyu 20:1 - Taaz Weru Witu u Nunuwu'en Tombulu

¹ An ilekengkuma si malaekat esa timumpamé im witi kasendukan timion ung kusi' um woso um patéan wo u ranté tua'na.

Wahyu 20:1 Iomraidhean Croise

Lukas 8:31

Sé sétang itii mahaléi wia si Yesus in tia' pahpeperénta-Na séra i muntep witu um woso um patéan, um pahukuman sé sétang.

2 Petrus 2:4

Pahpaan sé malaekat mahsingkéla' én zéi'kan niampungan ni Opo Empung. Ni séra é méilombo'-Nama witi naraka am buin witu un tuleng makaz witu un endo ni séra in totozen im wana am pahwangunen néra.

Yudas 1:6

Sé malaekat kangkasii sé simala' i nimaké ung kawasa méiwéhé wia ni séra an tumula'umé um pahwéha-wéhan néra é niapus-Na karia un aapus un zéi'kan mahwuka-wukala makaz ing kauré-uré, witu ung karimbengbengan witi lalem ung kaayahan makaz witu un endo wangko', in totozen ulit kaapa zéi'kan am pinahwangun néramé.

Wahyu 1:18

wo Si Menou-nou. Ni Aku é nimatémoma, taan ilekené, ni Aku é Menou-nou makaz ing kauré-uré wo ni Aku si timion péléng ang kusi' um patéan wo um pahwéha-wéhan né tou nimatémo.

Wahyu 10:1

An ilekengkuma si malaekat ketezen walina timumpamé im witi kasendukan, sinaput u ninahak, wo witu um wawo un uluna ém wéwéhan un zuni', ung giona é mahsena' tanu si endo, wo un a'éna én tanumokan un tombol melaya-layas.

Wahyu 18:1

Kumawusa niitu, an ilekengkuma si esa malaekat walina timumpamé im witi kasendukan. Ni sia ém wéwéhan ung kawasa wangko' wo u sena' nimondolé im wia ni sia é nimangun ung kaayahan nimaaya-ayahma.

Wahyu 20:3

An iweritnama si naga itii witu um woso um patéan. Ang kusi'ennamé um woso um patéan itii a segelennamé um wawona. Karia in téntu, si naga itii én zéi'mo mata'u lumulu sé tahsasana wanua witu u sana riwuna ta'un. Ing kimawusoma u sana riwuna ta'un, si naga itii én ipilot sumaup ni malaekat itii taan zéi'kan mauréma.