Wahyu 2:5 - Taaz Weru Witu u Nunuwu'en Tombulu

⁵ Niitumo gena-genangen, ni kamu én totozo zou' im witu u raraaté niou im puuna. Kumana'mola i memangu-mangun an téntu wo mahwangunola tanu am pahwangunen niou im puuna. Sa kamu zéi'kan tumula'u a singkéla' niou, ni Aku é méyé wia ni kamu i mémukum ni kamu, un tanumokan ni Aku i méméndo am penono'tolan niou a solo.

Wahyu 2:5 Iomraidhean Croise

Matius 5:14

Ni kamu én tanu un ayah im wia ung kaayahan. Um wanua tua'na witi wawo ung kentur én zéi'kan mamuali in ikawuni.

Matius 5:15

Zéi'kan siapa tou tumutungla u solo ang keleuala karia un tampayang. Taan u solo itii én izeta'na witu um penono'tolan u solo, wo toro sumena' wia péléng sé tou witu un untep um walé itii.

Markus 12:9

A si Yesus meligau wia ni séra, “In tarékan, apa um wangunen ni makauma tinaneman anggor itii? Ni sia é méyé wo mémunu' sé mememendu un uma itii wo un uma tinaneman anggor itii én iwéhéna wia sé tou walina.

Lukas 1:17

Si Opo Empung é nimatumé ni sia i mapuunamé wia si Mahpiara wo ni sia ém wéwéhan ung kaenté'an wo ung kawasa tanu si nabi Elia. Ni sia é mangun sé ama' mahlé'o-lé'osan karia né oki' néra, wo sé tou mahsaru si Opo Empung én iwurina witu u lalan kaulitan. Karia in téntu, ni sia é mimek sé tou wo séra wangun i sumungkul si Opo Empung.”

Lukas 20:16

Ni sia é méyé wo mémunu' sé mememendu itii wo un uma tinaneman anggor itii én iwéhéna wia sé tou walina.” Timalingamé niitu a séra kumuala, “Tia'mo kahuman mamuali téntu!”

Galatia 5:4

Sa kamu mahtututu' in éndon ulit witu u sinaru ni Opo Empung pahpaan i mahkiit un ukum Torat, ung katou-touan niou én zéi'mo méikauntep witu ung kamang tatambér ni Opo Empung.

Filipi 2:15

Karia i mahwangun an téntu, ni kamu é mapailek i ni kamu én oki' ni Opo Empung sé zéi'kan siapa sinala' im wia sé tou léwo' wo méikalulu. Karia menou-nou im weresi wo zéi'kan siapa a sinala', ni kamu maéndo sena' wia ni séra, tanu u sena' né tototi'en i mahsena' wia ung kaayahan.

Ibrani 10:32

Taan gena-genangen kura ni kamu im puuna i ni kamu taré ma'émanla wia si Yesus. In toro niitu, lakez an zézéha pinendan nioué, taan ni kamu uli-ulit enté' im wana an zézéha.

2 Petrus 3:17

Taan ni kamu, katuari-katuari ikararaatéku é mata'umo niana. Niitumo mile-ilek én taa kamu ikakiit umanla sé méster towo sé méikalulu pahpaan an tutuzu' towo itii, makaz ni kamu zéi'mo ma'éman im wana an tutuzu' kaulitan.

Yudas 1:24

Wia ni Sia si mahkawasa si mahtéiz wia ni kamu én taa kamu ikasundui, wo si nimahwali ni kamu sé zéi'kan siapa um pahséro'an karia i mahpaa-paaz i marumendai sumaru witu un tampa-Na um pahloozen wo pahsigi'en.

Wahyu 1:20

Ung kalakoan a méiwunipé' itii én téntii: Sé pitu tototi'en tinionan u lengen-Ku kakan é sé pitu malaekat wia sé pitu jamaat, wo um pitu pahto'tolan solo a mas am wangunen é sé pitu jamaat.”

Wahyu 16:9

Sé tou é lina'unga karia um pasu'na un api totoz wuaya. Niitumo, ni séra é mahséro' u ngaran ni Opo Empung, si mahkawasa wana péléng a meléwo' itii wo ni séra é soo tumula'u a singkéla' néra i lumooz wo sumigi' ni Sia.

Wahyu 2:16

Niitumo, tia'mo mahwangun an téntu! Sa zéi'kan, ni Aku é rengan i méyé wia ni kamu wo sumaru ni séra karia um pisou u nimondolé witu u sumah-Ku kenu.

Wahyu 2:19

Kata'uang-Ku péléng am pinaayang niou: U raraaté niou wo kasii um pa'émanen niou, um paayangen niou wo ung kaezenan niou im wana an zézéha. Kata'uang-Ku am pinaayang niou in tarékan é lumouspé'mé am pinaayang niou im puuna in taré ma'émanla wia ni Aku.

Wahyu 2:2

Kata'uang-Ku péléng am pinaayang niou. Ni kamu é mahtututu' i mahwangun ang kapaaz-Ku wo kasii zéi'kan mazéi' i ma'éman zozo' in zézéha. Kata'uang-Ku kasii i ni kamu én zéi'kan makaezen wia sé tou léwo'. Sé tou mengua-ngua in aatu-Ku taan ndéén zéi'kan ém pinahtata'u niouola, wo kinata'uan niouola i ni séra én tantowo.

Wahyu 3:19

Sé tou ikararaaté-Ku éng kakoro'ang-Ku wo ukumeng-Ku sa séra simala'. Niitumo, ni kamu én uli-ulit mahkiitla si Opo Empung wo itula'umola a singkéla' niou.