Wahyu 2:25 - Taaz Weru Witu u Nunuwu'en Tombulu

²⁵ Taan am wiamo ni kamu én tio-tionan makaz ni Aku i mawurimé sumaup.

Wahyu 2:25 Iomraidhean Croise

Yohanes 14:3

Sa ni Aku nimangémomé witu wo nimimekomé un tampa niou, ni Aku é méyé sumaup wo mahwali ni kamu mangé witi pahwéha-wéhang-Ku, wo wisa uman un angéang-Ku, ni kamu kasii ém witu.

Kisah Rasul-rasul 11:28

Si esaané im wia ni séra é makangaran Agabus. I sé tou nimaréwok, si Agabus si kinawasa ni Roh rumendaié ang kumuama, “Un oras ung kaahreman zéi'kan kakuaan é méyé wia ang kaayahan.” Ung kaahreman itii é nimamuali i si Klaudius si Kaisar.

Roma 12:9

Sa rumaraaté sé tou walina, tia' mahtowo-towo uman. Ikazi'zisla a léwo'an wo tia' mazéi' mahwangun a lé'os.

1 Korintus 11:26

Pahpaan sekez ni kamu ing kuman u roti wo melep un anggor witu um pengengelepan kenu, niitu é masuat wo ni kamu mahwoka' wia sé tou tumoro um patéan ni Mahpiara, makaz Sia i mawurimé sumaup.

1 Korintus 4:5

Niitumo, ni kamu én tia'mo mahtotoz si tou simala' kaapa zéi'kan, niitu én zéi'kampé' orasna. Un orasna é si Mahpiara i mawurimé sumaup. In toro niitu, péléng an ipahwuni-wuni wana ang karimbengbengan én ipapailek-Na. Ituzu'-Na péléng ang ginenang ni tou. Tumondong niitu si esa wo si esa é loozen ni Opo Empung mengiité am pinahwanguna.

1 Tesalonika 5:21

Péléng am péleng én totoz im pahtata'ula, wo pahkiitela am wangun.

Ibrani 10:23

Méyémo kita enté' i mahéré' wo zéi'kan mahzua-zua genang witu um pa'émanenta wia si Yesus, pahpaan si Opo Empung én zéi'kan maliuz i mangun a méitaaz-Na.

Ibrani 3:6

Taan si Kristus in Oki' ni Opo Empung é si mahwangun a méiatu ni Opo Empung im witu um walé-Na wo ni kitamo um walé-Na itii, sa kita zéi'kan mazéi' in totoz ma'éman wo niméré' uman un iwéhémé ni Opo Empung u mangun ni kita i mahpaa-paaz.

Ibrani 4:14

Pahpaan kita in tarékan é makaanumo si Walian Totoz Wangko', si nimangémomé witi kasendukan, si Yesus, si Oki' ni Opo Empung, niitumo tio-tionan um pa'émanenta.

2 Petrus 3:10

Taan un endo si Mahpiara i mawurimé sumaup én tanu si maremu' i mérumemu'. Im witu un endo itii, u langit é mazéi' karia un zanina un erut totoz makaindé'en. Péléng am witi langit é nimala'ung makaz i maapu wo ung kaayahan wo péléng am witu é maapu.

Wahyu 1:7

Ilekena! Ni Sia é méyé witu um wawo a ninahak, wo péléng sé tou wia ung kaayahan é milek ni Sia. Téntu kangkasii sé im puuna nimetu ni Sia karia um wengkou é milek ni Sia. Péléng sé tou wia ung kaayahan é mamé' karia i mahkérét pahpaan ni Sia. Niana péléng é mamuali téntu. Éné, amin.

Wahyu 22:20

Ni Sia si kimua a niilek wo tinalinga-Na tumoro niana péléng éng kimuamé, “Éné, ni Aku zéi'mo uré é méyémo!” Niitumo ni aku, Yohanes éng kumuama, “Amin. Méyémo, o Yesus Mahpiara!”

Wahyu 22:7

Ang kuan ni Yesus, “Un ulitna ni Aku zéi'mo uré é méyémo. Mahpaa-paazla sé tou mahkiit a nuwu' ni Opo Empung a méipantik witu ung kitap kenu!”

Wahyu 3:11

Zéi'mo uré ni Aku é méyémo! Tio-tionan am wiamo ni kamu, wo zéi'kan siapa sé méndo ung kukulu un tanumokan poporongen ni kolano u méiwéhé-Ku wia ni kamu.

Wahyu 3:3

Niitumo, gena-genangen an tutuzu' kinailekan wo tinalinga niouo. Pahwangunela niitu wo itula'umola a singkéla' pahwangunen niou. Pahpaan sa ni kamu zéi'kan timégam, ni Aku i mawurimé sumaup é mahkompo-kompo' umané tanu si maremu', wo ni kamu én zéi'kan mata'u sawisa un orasna ni Aku i méyé wia ni kamu.