Wahyu 19:8 - Taaz Weru Witu u Nunuwu'en Tombulu

⁸ Si wéwéné kawéngen-Na itii é niénéanola ni Opo Empung ing kumarai u roko' lenan totoz wangun u meto-petot wo totoz kulo'!” (U roko' lenan kulo' itii, nianamo an ulit pahlé'osen né tou ni Opo Empung).

Wahyu 19:8 Iomraidhean Croise

Matius 17:2

A si Yesus mawalinama im witu u saru-sarun néra telu, ung gio-Na é mahsena' tanu si endo wo ung kinarai-Na é nimakulo'ma meto-petot tanu u sena'.

Matius 22:12

A sia meligau wia si tou itii, ‘É karia, kura kahuman ko i nimuntepé én zéi'kan kimarai ung karai pésta?’ Taan si tou itii é memene-menes uman.

Markus 9:3

Ung kinarai-Na é nimakulo'ma meto-petot. Im wia ung kaayahan kenu én zéi'kan siapa tou toro kumemes ung karai wo itu makulo' tanu niitu.

Lukas 24:4

Karegas séra rimendai wo mengusi-ngusingsing pahpaan niitu, kumompo'mokané ém wéwéhano sé tou zua rimendai witu u rété néra kimarai ung karai meto-petot.

Kisah Rasul-rasul 1:10

I ni séra meloho-loho'pé' witi langit, kumompo'mé sé tou zua kimarai kulo' rimendaio witu u rété néra.

Roma 13:14

Taan méyémo kita maéndo tanu si Yesus Kristus Mahpiara, wo pahilekené né tou am pahwangunenta. Karia in téntu, ni séra én tanu nimilek ni Sia witu un touta. Wo tia'mo megena-genang uman ing kumiit a lelo léwo' un awakmu in esa.

Roma 3:22

im pélén sé tou ma'éman si Yesus Kristus uman sé niéndo ulit ni Opo Empung. Si Opo Empung nimangun niitu wia péléng sé tou ma'éman pahpaan péléng sé tou é masuat uman.

Wahyu 15:4

Séi si zéi'kan maindé' wia ni Ko, o Opo Empung, wo zéi'kan mahsigi' wo mahlooz u ngaran-Mu? Pahpaan ni Ko uman si lenas; pahpaan péléng sé tahsasana wanua é mémongkot i sumigi' ni Ko, Pahpaan méikatuzu'momé ung kaulitan i ni Ko mahtotoz ulit kaapa zéi'kan péléng am pahwangunen né tou.”

Wahyu 15:6

A sé pitu malaekat sé wéwéhan ung kawasa i mangun am pitu meléwo' itii, mondolé im witu um Walé ni Opo Empung. Ni séra éng kimarai ang karai lenan kulo' weresi wo meto-petot, wo wana am wezwez néra é rinikezan um pahsaléléng mas am wangunen.

Wahyu 19:14

Péléng sé suraro witi kasendukan é mahkiit ni Sia. Ni séra é simaké wia sé kawalo kulo' wo kimarai a roko' lenan totoz wangun wo totoz kulo'.

Wahyu 3:18

Niitumo, isésa-Kuma wia ni kamu in tumelesola u mas wia ni Aku um wineresimo karia un api, wo kamu uli-ulit mawa'ilan. Wo tumeleso kasiila ung karai kulo' ing karaien niou wo kamu zéi'kan pahileken kaizangnokané in timangkol. Wo tumelesla undam i mundam am weren niou, wo kamu toro milek.