Wahyu 19:7 - Taaz Weru Witu u Nunuwu'en Tombulu

⁷ Méyémo kita péléng kumérét karia mahpaa-paaz, i sumigi' wo lumooz ni Sia! Pahpaan un endo si Anak ni Domba ing kumawéng é mémoikaayola, wo si kawéngen-Na é nimimeko.

Wahyu 19:7 Iomraidhean Croise

Matius 1:20

Taan i si Yusuf megena-genangpé' niitu, a méyé si malaekat ni Opo Empung witu un ipina, ang kumuama, “Yusuf, suzu ni Daud, tia'mo ko maindé' i méndo si Maria maéndo mahayomu, pahpaan si koki' pahawa-awakenna ém wia si Roh Lenas a méyé.

Matius 22:2

“Ung Kakolanoan ni Opo Empung én tanu si kolano mangun um pésta kawéng ni tarétumouna.

Lukas 12:36

Ni kamu kangkasii é léwo'zéi' tanu sé ata ma'ento' si tuang i mawurimé im witi pahkawéngan, wo sa sia tuméngkoré ni séra é rengan i mukama um pepenet.

Yohanes 3:29

Si makaanu si broit é si brédégom, taan si kakaria ni brédégom si rimendai witu u réténa wo mahtalinga ni sia én totoz mahpaa-paaz in timalingamé u nuwu' ni brédégom itii. Téntu kangkasii ni aku, in tarékan u mahpaa-paazku ém wutulo.

2 Korintus 11:2

Um pa'émanen niou wia si Kristus én totoz pahtéizangku wo ikaupi'ku sa wéwéhan sé mahlululu um pa'émanen niou, tanu si Opo Empung én timéiz ni kamu. Pahpaan ni aku si totoz puuna nimapata'u wia ni kamu tumoro si Yesus Kristus makaz ni kamu ma'éman wia ni Sia. Niitu é masuat wo si ama' mahkakawéng si rarahana karia ni tuama maéndo mahayona. Ni kamumo sé tanu si raraha itii wo si tuama itii é si Kristus.

Efesus 5:23

Pahpaan si mahayo én tonaas ni wéwéné makamahayo masuat wo si mahayo én ulu ni wéwéné makamahayo, téntu kangkasii si Kristus én tanu ulu né jamaat, sé jamaat én tanu awak-Na. Ni Siamo si nimilot sé jamaat im witu un ukuman wana a singkéla'.

Efesus 5:32

Un tutuzu' taré ikuakuma itii ung kalakoana én totoz susa im pahtata'un né tou, taan ung kalakoan u méikua-Kuma én tumoro um pinasungkulan ni Kristus karia né jamaat-Na.

Filipi 3:3

Ni kitamo sé tou sinunat sé mahongkot wo mahsigi' si Opo Empung mengiité si Roh-Na. Ni kita é mahpaa-paaz pahpaan totoz pa'émanenta um winanguna ni Kristus Yesus wia ni kita, i ni Sia nimaté i mangun ni kita maéndo ulit witu u sinaru ni Opo Empung, zéi'kan niméré' uman wana am winangun né tou witu un awak néra im pahsunaten.

Wahyu 11:13

In toro niitu, a méhzo'mé totoz repet. U sana pahpulu' um wanua tua'na itii é nimakemu, wo sé pituna riwu tou é nimaté pahpaan un éhzo' itii. Sé tou walina én totoz maindé', a séra mahsigi' wo mahlooz si Opo Empung si witi kasendukan.

Wahyu 19:9

A si malaekat itii kumuamé wia ni aku, “Ipantikola in téntii, ‘Mahpaa-paazola sé tou kinua i méyé witu um pésta kawéng ni Anak ni Domba.’ ” Ang kuana kasii wia ni aku, “A méikuaku kenu én ulit, ang kenu é Nuwu' wia si Opo Empung a méyé.”

Wahyu 21:2

Ni Aku kangkasii nimileka um wanua tua'na lenas, u Yerusalem weru, um wia si Opo Empung witi kasendukan an itumpamé. Um wanua tua'na itii é niimek tanumokan si wéwéné kawéngen, niimek i mahilekan karia ni tuama kumawéng ni sia.

Wahyu 21:9

Tumondong niitu, méyé si esa im wia sé pitu malaekat sé timion am pitu eelepan mawuta-wuta am pitu meléwo' kamurian. A si malaekat itii kumuamé wia ni aku, “Méyémo wia'i, ipapailekku wia ni ko si wéwéné kawéngen ni Anak ni Domba.”