Wahyu 19:6 - Taaz Weru Witu u Nunuwu'en Tombulu

⁶ An talingangku kasiimé un tanu u nuwu' né sana réwok tou lakez i mahnuwu', tanumokan un enderna un tapahan wo tanumokan un zanina un erut totoz rimez, mahkuamé, “Haleluya! Pahpaan si Mahpiara, si Opo Empungta, Si Totoz Mahkawasa é mahkawasamo ing Kolano.

Wahyu 19:6 Iomraidhean Croise

Matius 6:13

wo tia'mo ipahwali ni kai witu um pema'waan, taan ipiloté ni kai im wia si léwo'. [Pahpaan ni Komo si makaanu ung Kakolanoan, wo ung kawasa, wo ung kawangko'an makaz ing kauré-uré. Amin.]

Wahyu 1:15

Un a'é-Na é meto-petot tanumokan petotna un tambaga méiluleng witu un api. Un zani u Nuwu'-Na é rimez tanumokan un enderna un tapahan.

Wahyu 1:8

Si Opo Empung kimua, “Ni Aku én Alfa wo Omega, ung kalakoana é si Kataré-taré wo si Kamurian. Ni Aku ém wiamo rengané im puuna, in tarékan wo in tumondong. Ni Aku én Totoz Mahkawasa.”

Wahyu 12:10

An talingangkumé u nuwu' rimez witi kasendukan u mahkuamé, “In tarékan én orasnamo si Opo Empung i milot sé tou-Na im witu un ukuman wana a singkéla' i mapailek ung kawasa-Na, merénta ing kolano wo si Kristus si méitaaz-Na i mapailek ung kawasa-Na ing kolano wia ung kaayahan. Pahpaan si tonaas né sétang si im puuna endo wo wengi rimendai witu u sinaru ni Opo Empung i mahtoké sé katuari esa pa'émanen é méiondolomé an ilombo'mé wia ung kaayahan.

Wahyu 14:2

An talingangkumé u nuwu' totoz rimez witi langit, tanumokan enderna un tapahan wo un erut. U nuwu' tinalingakumé itii én tanumokan an zanina ang kecapi am pahléongan né tou.

Wahyu 19:1

Kumawusa niitu, an talingangkumé u nuwu' totoz rimez tanu u nuwu' né tou totoz lakez witi kasendukan, mahkuamé, “Haleluya! Si Opo Empungta uman si milot sé tou im witu un ukuman wana a singkéla', si pahsigi'en wo pahloozen, wo si mahkawasa.

Wahyu 19:4

Ang kumuruzla sé zuana pulu' wo epat pahtutu'an wo sé epat tumou-tou itii wo mahsigi' si Opo Empung si rimumez witu u rurumezan-Na ing Kolano. Ang kuan néra, “Amin! Haleluya!”

Wahyu 21:22

Ni aku én zéi'kan nimileké um Walé ni Opo Empung witu um wanua tua'na itii. Pahpaan um Walé ni Opo Empung itiimo si Opo Empung, Si Totoz Mahkawasa, wo téntu kasii si Anak ni Domba itii.

Wahyu 4:5

Im witu u rurumezan ni Kolano um witu un unez itii, mahpetoté un tila'pong wo mahenderé un erut. Witu sinaru u rurumezan itii ém wéwéhan am pitu obor melaya-layas, niitu é sé pitu Roh ni Opo Empung.

Wahyu 6:1

Tumondongla niitu, ilekengkuma si Anak ni Domba itii nimukama u segel kataré wana am pitu segel itii. An talingangkumé si esaané im wia sé epat tumou-tou itii é mahkérété, ung karimezna én tanumokan un zanina un erut in téntii, “Méyémo!”

Wahyu 8:5

Tumondong niitu si malaekat itii méndomé um pahtunuan ang kamania, tutungannala karia un api niéndonamé witu um pahtunuan a raragés, a niitu ilombo'namé wia ung kaayahan. A zumanimé un erut nimahwalimé karia un tila'pong wo un éhzo'.