Wahyu 19:5 - Taaz Weru Witu u Nunuwu'en Tombulu

⁵ An talingangkumé u nuwu' witi rurumezan ni Kolano itii mahkuamé, “Loozenola si Opo Empungta, é kamu péléng in ata-Na, ni kamu sé maindé' ni Sia, ni kamu in tou kanaramen kaapa in tou pahsigi-sigi'en!”

Wahyu 19:5 Iomraidhean Croise

Wahyu 13:16

Si binatang kazua itii kangkasii é nimatu péléng sé tou, séra in tou kanaramen kaapa in tou pahsigi-sigi'en, tou wa'ilan kaapa tou zéi'kan siapa apa, ata kaapa zéi'mo ata, im wéhan un tanda witu u lengen kakan kaapa wana an tungtung néra.

Wahyu 16:17

Si malaekat kapitu mamuwu'mé witi wentangan a méitahu' witu un eelepan um wia ni sia. An talingané im witu u rurumezan ni Kolano um witi untep um Walé ni Opo Empung, kimuamé, “Nimakazola.”

Wahyu 19:18

wo ni kamu sumeza' a lé'ona né kolano, né tonaas né suraro, né suraro totoz ketezen, né kawalo wo né simaké wia sé kawalo itii. Wo kasii seza'en niouola a lé'ona péléng né tou: séra in ata kaapa zéi'mo ata, sé tou kanaramen wo sé tou pahsigi-sigi'en.”

Wahyu 20:12

Ilekengkuma sé tou nimatémo, ni séra é sé tou pahsigi-sigi'en wo sé tou kanaramen, rimendai witu u sinaru u rurumezan ni Kolano itii. In toro niitu, péléng ang kitap ém winukama, am pinantikan péléng am pinahwanguné né tou. Am wukan kasiima ung kitap walina, ung kitap katou-touan. Sé tou nimatémo ém pahtotozen ulit kaapa zéi'kan am pinahlé'os néramé mengiit a mémoipantik wana ang kitap itii.

Wahyu 7:15

Niitumo, ni séra é rimendai makasaru u rurumezan ni Opo Empung ing Kolano wo mahpaayang wia ni Sia endo wo wengi witi Walé-Na. Ni Sia si rimumez witu u rurumezan-Na ing Kolano én tuméiz ni séra.