Wahyu 19:19 - Taaz Weru Witu u Nunuwu'en Tombulu

¹⁹ An ilekengkuma si binatang makaindé'en itii wo sé kolano wia ung kaayahan karia né suraro néra é nimaréwoko ing kumoro' sumaru si Simaké wia si kawalo kulo' itii wo sé suraro-Na.

Wahyu 19:19 Iomraidhean Croise

Wahyu 11:7

Sa séra nimakakuamoma an tinalinga wo am pina'ilek néra, wéwéhan si meneza' tou mondolé witu um woso um patéan, mékumoro' karia néra zua wo kumala ni séra wo munu' ni séra.

Wahyu 14:9

Wo wéwéhan kasii si malaekat katelu timondongé sé malaekat zua itii a rumimeza ing kimuama, “Séi uman si mahongkot wo mahsigi' si binatang makaindé'en wo si patongna, wo séi uman sé nimakailek un tanda ni binatang itii witu un tungtung kaapa witu u lengenna

Wahyu 16:14

Sé roh né sétang itiimo sé nimahwanguné a makakompo'en wo ni séra kasii sé manimenéro sé kolano wia péléng ung kaayahan i maesaan ing kumoro' witu un endo wangko' ni Opo Empung Si Totoz Mahkawasa si kumala sé kakoro'-Na.

Wahyu 16:16

A sé roh léwo' telu itii ruméwoké sé kolano witu un tampa, um witu u nunuwu'en Ibrani ém pahkuan Harmagedon.

Wahyu 18:9

Sé kolano wia ung kaayahan sé nimahsamekola wo sé nimawa'ilanola pahpaan um wanua tua'na itii é mamé' wo mamé' karia i mahkérét i mileka an teremuz um wanua tua'na itii im pahla'ungen.

Wahyu 19:21

Péléng sé nimatezama ém winunu' karia um pisou nimondolé witu sumah ni Simaké wia si kawalo itii; wo péléng sé menéwé-néwél é nimawesuh ing kiman a lé'ona né winunu' itii.