Wahyu 19:18 - Taaz Weru Witu u Nunuwu'en Tombulu

¹⁸ wo ni kamu sumeza' a lé'ona né kolano, né tonaas né suraro, né suraro totoz ketezen, né kawalo wo né simaké wia sé kawalo itii. Wo kasii seza'en niouola a lé'ona péléng né tou: séra in ata kaapa zéi'mo ata, sé tou kanaramen wo sé tou pahsigi-sigi'en.”

Wahyu 19:18 Iomraidhean Croise

Matius 24:28

Wisa um pahrimbu-rimbungan né kokoak, tumuzu'mé sa witu ém wéwéhan binatang wuul.”

Lukas 17:37

A séra meligau wia si Yesus, “Tuang, wisa itu wo mamuali?” Am wingkoten-Nala, “Wisa um pahrimbu-rimbungan né kokoak tumuzu'mé sa witu ém wéwéhan binatang wuul.”

Wahyu 11:18

Péléng sé tahsasana wanua é maupi'mo, taan méikaayomola un oras-Mu i mapailek un upi'-Mu, wo oras-Mu in tumotoz ulit kaapa zéi'kan am pahwangunen né tou nimatémo wo méhé um wawaér wia sé ata-Mu, wia sé nabi-Mu, wo wia sé tou linenas-Mu, wo wia sé tou maindé' u ngaran-Mu, wo wia sé tou kanaramen wo sé tou pahsigi-sigi'en, wo i luméwo' séi uman sé mahléléwo' ung kaayahan.”

Wahyu 13:16

Si binatang kazua itii kangkasii é nimatu péléng sé tou, séra in tou kanaramen kaapa in tou pahsigi-sigi'en, tou wa'ilan kaapa tou zéi'kan siapa apa, ata kaapa zéi'mo ata, im wéhan un tanda witu u lengen kakan kaapa wana an tungtung néra.

Wahyu 17:16

U mapulu' sungé un niilekmumé wo kasii si binatang makaindé'en itii é mazi'zis si wéwéné sangaya itii. Péléng a sangkum ni wéwéné itii éng kahaten néra wo ni sia én tangkolan néra. Ni séra é sumeza' u lé'ona ni wéwéné itii wo luma'ung ni sia.

Wahyu 19:5

An talingangkumé u nuwu' witi rurumezan ni Kolano itii mahkuamé, “Loozenola si Opo Empungta, é kamu péléng in ata-Na, ni kamu sé maindé' ni Sia, ni kamu in tou kanaramen kaapa in tou pahsigi-sigi'en!”

Wahyu 6:15

In toro niitu, sé kolano wia ung kaayahan, sé pahsigi-sigi'en, sé tonaas né suraro, sé tou wa'ilan, sé tou mahkawasa, péléng sé ata wo sé zéi'mo ata é mahwuni wana an tuleng, wana am pinaselat am watu wana ang kentur.