Wahyu 19:14 - Taaz Weru Witu u Nunuwu'en Tombulu

¹⁴ Péléng sé suraro witi kasendukan é mahkiit ni Sia. Ni séra é simaké wia sé kawalo kulo' wo kimarai a roko' lenan totoz wangun wo totoz kulo'.

Wahyu 19:14 Iomraidhean Croise

Matius 21:5

“Ikuamola wia sé tou witi Sion: Ilekena, si Kolano niou é mahéyémo wia ni kamu. Ni Sia én eluz uman wo simaké wia si keledai, si anak ni keledai peranggangpé'.”

Matius 26:53

Kaapa pahgenangen nioula i ni Aku én zéi'kan toro mahaléia wia si Ama'-Ku, wo rengan in iatu-Namé sé mapulu' wo zuana réwok suraro né malaekat i mésumawang ni Aku?

Matius 28:3

Ung giona én tanumokan u sena'na un tila'pong wo ung kinaraina én totoz kulo' tanumokan u salju.

2 Tesalonika 1:7

Wo ni Sia é méhé ung kaenaan wia ni kamu sé mahpendan an zézéha wo kasii wia ni kai. Niitu é mamuali i si Yesus Mahpiara tumumpamé im witi kasendukan i mapailek un tou-Na karia né malaekat-Na sé mawuta-wuta ang kawasa wo karia un api melaya-layas.

Yudas 1:14

Si Henokh, si suzu kapitu ni Adam éng kimua u méikuamé ni Opo Empung tumoro ni séra, kuana, “Un ulitna, si Opo Empung é méyé karia né mariwu-riwu tou linenas-Na.

Wahyu 14:1

An ilekengkuma si Anak ni Domba rimendai witi kentur Sion wo sé memali-mali karia-Na é sé sana atus epatna pulu' wo epatna riwu tou-Na. Im wana an tungtung né tou itii ém pinantikan u ngaran-Na wo u ngaran ni Ama'-Na.

Wahyu 14:20

Am wua'na an anggor itii ém pahpesuten witi ondol um wanua tua'na. Im witu um pahpesutan itii mahso'so'mé un zaha', ung karakékna é nimakaz witu u semuz ni kawalo wo kazou'na um pahso'so'ana én teluna atus kilometer.

Wahyu 17:14

Ni séra éng kumoro' sumaru si Anak ni Domba. Taan si Anak ni Domba éng kumala ni séra, pahpaan si Anak ni Domba itii én Tuang péléng né tuang, wo kasii Kolano péléng né kolano. Wo sé tou sé memali-mali karia ni Anak ni Domba itii kasii éng kumala ni séra. Sé tou itii é sé tinawah, sé pinéléng wo kasii sé zéi'kan mazéi' i ma'éman wia si Opo Empung.”

Wahyu 19:11

An ilekengkuma ung kasendukan é nimawukama, im witu ém wéwéhan si kawalo kulo' sinakéan ni makangaran, ‘Si Toro Pa'émanen wo Si Ulit’. Ni Sia én zéi'kan mahsanaweka i mahtotoz ulit kaapa zéi'kan am pinahwanguné né tou wo i mahkoro'.

Wahyu 19:8

Si wéwéné kawéngen-Na itii é niénéanola ni Opo Empung ing kumarai u roko' lenan totoz wangun u meto-petot wo totoz kulo'!” (U roko' lenan kulo' itii, nianamo an ulit pahlé'osen né tou ni Opo Empung).

Wahyu 3:4

Taan im wia ni kamu im wia u Sardis kenu ém wéwéhampé' sé woopira tou sé zéi'kan mahsingkéla'. Ni séra én tanu si tou kimarai ung karai weresi. Ni séra é malumampang mahwali karia-Ku kimarai ung karai kulo', pahpaan ni séra ém wangun i maténtu.

Wahyu 4:4

Wo witu u makaliklik u rurumezan ni Kolano itii kasii ém wéwéhan an zuana pulu' wo epat rurumezan né kolano walina a rinumezan né zuana pulu' wo epat pahtutu'an, sé kimarai ang karai kulo' wo nimorong am poporongen né kolano u mas am wangunen.

Wahyu 7:9

Kumawusa niitu, ilekengkuma sé sana réwok tou totoz lakez sé zéi'mo karékénan. Ni séra ém wia péléng sé tahsasana wanua, tahsasana suzu, tahsasana réwok mahtuari, wo sé tahsasana nunuwu'en. Ni séra péléng é rimendai witu sinaru u rurumezan ni Kolano wo witu sinaru ni Anak ni Domba, kimarai ang karai tonton kulo', timion am pala'pa'na am palem.