Wahyu 19:11 - Taaz Weru Witu u Nunuwu'en Tombulu

¹¹ An ilekengkuma ung kasendukan é nimawukama, im witu ém wéwéhan si kawalo kulo' sinakéan ni makangaran, ‘Si Toro Pa'émanen wo Si Ulit’. Ni Sia én zéi'kan mahsanaweka i mahtotoz ulit kaapa zéi'kan am pinahwanguné né tou wo i mahkoro'.

Wahyu 19:11 Iomraidhean Croise

Yohanes 1:51

Ang kuan ni Yesus kasii wia ni sia, “Uli-ulit ikua-Kuma wia ni kamu, ni kamu é mamilek u langit nimawuka wo sé malaekat ni Opo Empung mahsakéma wo mahtumpamé witu u sinaru ni Oki' ni Tou.”

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Wahyu 1:5

wo um wia si Yesus Kristus si toro pa'émanen i mahkua ang kata'uan-Na tumoro si Opo Empung. Ni Sia si kataré-taré méitoumé sumaup im wia sé nimaté. Wo ni Sia kasii si mahkawasa im wia sé kolano wia ung kaayahan kenu. Ni Sia é rumaraaté ni kita wo nimilot ni kita im wana a singkéla'ta karia un zaha'-Na,

Wahyu 11:19

A mawukama um Walé ni Opo Empung um witi kasendukan. Ilekengkuma un Tatahu'an liné'osan um pinataazan ni Opo Empung witi untep um Walé-Na itii. A mahsena'mé an tila'pong wo mahzanimé an erut, méhzo'mé wo mahuzané éis totoz repet.

Wahyu 19:19

An ilekengkuma si binatang makaindé'en itii wo sé kolano wia ung kaayahan karia né suraro néra é nimaréwoko ing kumoro' sumaru si Simaké wia si kawalo kulo' itii wo sé suraro-Na.

Wahyu 19:21

Péléng sé nimatezama ém winunu' karia um pisou nimondolé witu sumah ni Simaké wia si kawalo itii; wo péléng sé menéwé-néwél é nimawesuh ing kiman a lé'ona né winunu' itii.

Wahyu 3:14

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Laodikia in téntii: ‘Kenumo a Nuwu' am wia Si Amin, Si toro pa'émanen wo ulit i mahkua ang kata'uan-Na tumoro u Nuwu' ni Opo Empung, wo péléng am winangun ni Opo Empung ém wia ni Sia a méyé.

Wahyu 3:7

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Filadelfia in téntii: ‘Kenumo a Nuwu' wia Si Lenas, Si Ulit, si timion ung kusi' ni Daud a méyé. Sa Sia si nimukama um pepenet, zéi'kan siapa si toro menet niitu. Wo sa Sia si nimeneta um pepenet, zéi'kan siapa si toro muka niitu.

Wahyu 4:1

Kumawusa niitu, ilekengkuma um pepenet witi kasendukan nimawukama. An talingangkumé u nuwu' totoz rimez masuat wo un zanina um pontuang un im puuna én tinalingakumo. U nuwu' itii éng kimuamé wia ni aku, “Menékomé wia'i! Ni ko ém papailekang-Ku a léwo'zéi' mamuali in tumondongé kenu.”

Wahyu 6:2

An ilekengkuma si kawalo kulo', si sinakéan ni tou timion um pana. Si tou itii ém winéhan um poporongen ni kolano. Ni sia si nimuntungo, mangé ing kumala sé kakoro'na.