Wahyu 19:10 - Taaz Weru Witu u Nunuwu'en Tombulu

¹⁰ A ni aku kumuruzla witu u sinaru un a'é ni malaekat itii i mongkot wo sumigi' ni sia, taan kuana wia ni aku, “Tia'mo mahasar téntu! Ni aku én ata, masuat wo ni ko karia né katuarimu esa pa'émanen sé mahkua a niilek wo an tinalinga néra tumoro si Yesus. Pahongkotala wo pahsigi'ela si Opo Empung! Pahpaan sé tou mahkua a niilek wo an tinalinga néra tumoro si Yesus ém wéwéhan roh i mahkua a méikuamé ni Opo Empung.”

Wahyu 19:10 Iomraidhean Croise

Matius 4:10

Taan kuan ni Yesus wia si tonaas né sétang, “É tonaas né sétang, mangémo ko im wia'i! Pahpaan wéwéhan u méipantik, ‘Ni ko é léwo'zéi' i mahongkot wo mahsigi' si Mahpiara, si Opo Empungmu wo ni Sia uman si pahragésannu.’ ”

Markus 5:22

a méyé si tonaas um walé peraragésan né tou Yahudi makangaran Yairus. Kaiileknama si Yesus, ni sia é rengan ing kimuruza witu u saru-sarun-Na,

Markus 7:25

Wéwéhan taré si ina' makakooki' sinelazan ni sétang. In tinalinganamé si Yesus im wana, a sia rengan i niméyé ang kumuruzla witu u sinaru ni Yesus.

Lukas 1:19

Ang kuan ni malaekat, “Ni aku kenu éng Gabriel, si sekezé ém witu u sinaru ni Opo Empung. Ni aku é méiatumé i mékumua u nuwu' lé'os kenu wia ni ko.

Lukas 24:44

Kuan-Na wia ni séra, “Ung kenumo un ikua-Kuma wia ni kamu, a méikua-Kumo wia ni kamu i ni Aku memali-mali karia niou, im péléng a mémoipantik tumoro ni Aku witu ung kitap Torat, um Pinantik né nabi wo witu u Mazmur én totoz malekep.”

Yohanes 5:39

Ni kamu sekezé é mahtata'u um Pinantik Lenas pahpaan ni kamu mahgenangla im witu ni kamu toro mata'umé kura i makailek ung katou-touan makaz ing kauré-uré. Zozo' in téntu, witu um Pinantik Lenas itii én tumuzu'mé tumoro ni Aku.

Kisah Rasul-rasul 10:43

Péléng sé nabi éng kimuamo tumoro ni Sia. Ni séra mahkua im péléng sé tou ma'éman wia ni Sia, a singkéla' néra én ampungan mengiité u ngaran-Na.”

Kisah Rasul-rasul 13:27

Taan sé tou witi Yerusalem wo sé tonaas néra én zéi'kan mata'u si Yesus. Ni Sia én tinotoz nérala im wunu'en, karia in téntu a méikua né nabi am pahbacan sekez in endo Sabat é linekep néramola.

2 Korintus 8:7

Niitumo, ni kamu ém wa'ilano im wana am péléng, tanu ang kenu: um pa'émanen niou én enté'mo, tulapo i mahnuwu', lakezo ang kata'uan tumoro si Opo Empung, totoz paaz i mahsawang sé tou walina wo ni kai én totoz ikararaaté niou. Ni kamu in téntu ém wa'ilano, téntu kangkasii ni kamu éng kalousna i mahpaayang am wangun kenu i mahsawang sé tou walina.

Efesus 5:15

Niitumo, gena-genangen ung katou-touan niou, tia'mo ung katou-touan niou tanu sé tou lemou sé zéi'kan siapa kata'uan tumoro um paaz ni Opo Empung, taan menou-noula tanu sé tou tulap sé mata'umo um paaz ni Opo Empung.

Efesus 5:33

Taan ung kenu kangkasii én tumoro ni kamu sé sana séndé'mo: Iraraatéla si wéwéné mahayomu tanu ni ko i rumaraaté un toumu in esa, wo wia si wéwéné makamahayo, pahsigi'ela si mahayomu.

Filipi 3:3

Ni kitamo sé tou sinunat sé mahongkot wo mahsigi' si Opo Empung mengiité si Roh-Na. Ni kita é mahpaa-paaz pahpaan totoz pa'émanenta um winanguna ni Kristus Yesus wia ni kita, i ni Sia nimaté i mangun ni kita maéndo ulit witu u sinaru ni Opo Empung, zéi'kan niméré' uman wana am winangun né tou witu un awak néra im pahsunaten.

1 Tesalonika 5:15

Ile-ileken én taa wéwéhan sé tou mahwaér a léwo'an karia a léwo'an, taan mahtututu'la i mahwangun a lé'os si esa wo sé walina wo wia péléng sé tou.

Ibrani 1:14

Sa téntu, séi ndéén sé malaekat kenu wé? Ni séra é roh sé mahsawang si Opo Empung. Ni séra méiatu ni Opo Empung i mésumawang sé tou ma'éman sé méipilot im witu un ukuman wana a singkéla'.

Ibrani 12:25

Niitumo mile-ilekla, tia' kamu soo tumalinga si Opo Empung si mahnuwu'mé. Ni séra sé soo mahtalinga ni sia si mahkua u Nuwu' ni Opo Empung én zéi'kan mata'u tumingkas, apapé' kasii ni kita sé mahtalingamé si Opo Empung si mahnuwu'mé witi kasendukan. Sa kita zéi'kan mahtalinga ni Sia, tantumo ni kita én zéi'kan ikatingkas im witu un ukuman wana a singkéla'.

1 Yohanes 5:10

Séi si ma'éman wia si Oki' ni Opo Empung, witu un aténa ém wéwéhano un ipahkua ni Opo Empung tumoro si Oki'-Na itii. Séi si zéi'kan ma'éman wia si Opo Empung, winangunna si Opo Empung in tantowo, pahpaan zéi'kan pa'émanenna un ipahkua ni Opo Empung tumoro si Oki'-Na.

1 Yohanes 5:21

É kamu in oki'ku, zumou'la im wia péléng sé opo-opo.

Wahyu 1:1

A méipantik witu um pinantik kenu én tumoro a méipapailek ni Yesus Kristus, a méiwéhé ni Opo Empung wia ni Sia in ipapata'u wia sé ata-Na wo séra toro mata'u an totoz i mamuali. Si Yesus Kristus é nimapaileko niana péléng wia si Yohanes ata-Na, mengiité si malaekat méiatu-Na.

Wahyu 1:9

Ni aku, Yohanes, katuari niou esa pa'émanen. Ni kita é nimendanomé an zézéha pahpaan i mahkiit si Yesus, méikauntep witi Kakolanoan ni Opo Empung wo ezen ma'ento' si Yesus i mawurimé sumaup. Ni aku é méitia' witi katanaan makangaran Patmos pahpaan mahkua u Nuwu' ni Opo Empung wo a mémoipapata'u ni Yesus.

Wahyu 12:11

Sé katuari esa pa'émanen itii kasii éng kimalamoma si tonaas né sétang karia un zaha' ni Anak ni Domba, wo karia un tinalinga wo niilek néra tumoro si Anak ni Domba, un ipahkua néra wia sé tou. Ni séra én zéi'mo pandung ung katou-touan néra in esa makaz séra i maté.

Wahyu 12:17

Niitumo si naga itii én totoz maupi' wia si wéwéné itii, a si naga itii mangé i zuméha sé suzu walina ni wéwéné itii, sé mahkiit um perénta ni Opo Empung wo kasii mahkua un tinalinga wo niilek néra tumoro si Yesus.

Wahyu 14:7

Si malaekat itii é nimuwu'mé totoz rimez, “Ikaindé'la si Opo Empung, pahsigi'ela wo pahloozela Sia, pahpaan un oras-Na in tumotoz in ulit kaapa zéi'kan am pahlé'osen né tou é méikaayomola. Mahongkotla wo mahsigi'la wia ni Sia si nimanguno u langit, ung kaayahan, un tasik wo péléng ang kembu'an.”

Wahyu 15:4

Séi si zéi'kan maindé' wia ni Ko, o Opo Empung, wo zéi'kan mahsigi' wo mahlooz u ngaran-Mu? Pahpaan ni Ko uman si lenas; pahpaan péléng sé tahsasana wanua é mémongkot i sumigi' ni Ko, Pahpaan méikatuzu'momé ung kaulitan i ni Ko mahtotoz ulit kaapa zéi'kan péléng am pahwangunen né tou.”

Wahyu 19:9

A si malaekat itii kumuamé wia ni aku, “Ipantikola in téntii, ‘Mahpaa-paazola sé tou kinua i méyé witu um pésta kawéng ni Anak ni Domba.’ ” Ang kuana kasii wia ni aku, “A méikuaku kenu én ulit, ang kenu é Nuwu' wia si Opo Empung a méyé.”

Wahyu 4:10

sé zuana pulu' wo epat pahtutu'an itii kumuruzla witu u sinaru-Na si rimumez witu u rurumezan ni Kolano itii. Ni séra mahongkot wo mahsigi' ni Sia, si menou-nou makaz ing kauré-uré. Wo in toro niitu, wuka nérala am poporongen néra ing kolano, an ilombo' nérama witu sinaru u rurumezan itii karia i mahkua,