Wahyu 18:3 - Taaz Weru Witu u Nunuwu'en Tombulu

³ Pahpaan péléng sé tahsasana wanua wia ung kaayahan ém winangunnamola mahsamek tanumokan in tewelen pahpaan nimelep un anggor méiwéhéna. Sé kolano wia ung kaayahan é nimahsamekola kariana. Wo sé tou mahwangké-wangkér wia ung kaayahan é nimawa'ilanola pahpaan sé tou witu um wanua tua'na itii én totoz lumelo in tumeles an ipahwangkér.”

Wahyu 18:3 Iomraidhean Croise

Lukas 7:25

Kaapa apa un angén niou wana? Mamilek si tou kimarai ung karai wangun? Si tou kimarai ung karai wangun é mahento' witi istana ni kolano.

1 Timutius 5:11

Taan sé wéwéné mahesa-esamokan zéi'kampé' tahlous tu'a, tia'pé' ipahrékén i makailek a sasawang. Pahpaan sa mawiamé u lelo néra wia sé tuama, ni séra én tumula'u si Kristus wo paazo kawéngen sumaup.

Wahyu 14:8

Wéwéhan kasii si malaekat kazua timondongé si malaekat kataré, ang kumuama, “Kemumo, Babel, um wanua tua'na itii éng kemumo! Sé tou witu é nimangunola péléng sé tahsasana wanua i mahsamek, tanumokan ni séra nimanguna sé tou nimatewelen karia un anggor.”

Wahyu 17:2

Sé kolano wia ung kaayahan é simamekola karia ni wéwéné sangaya itii. Maan sé mahento' wia ung kaayahan ém winangunnamola mahsamek pahpaan in tewelen nimelep un anggor méiwéhéna.”

Wahyu 18:19

An ulu néra ém pahwuzwuzan néra an awu, un tumuzu'mé un até néra é rumara wo mahamé' karia i mahkérét, “Méikaléwo'mo, um wanua tua'na Babel é méikaléwo'mo. Sé tou wéwéhan a londéi tua'na witi wanua tua'na Babel é nimawa'ilano pahpaan an ipahwangkér néra é mahal, pahpaan witu sana jam uman um wanua tua'na Babel itii éng kemumo.”

Wahyu 18:23

U sena'na u solo én zéi'mo sumena'mé im witi wanua tua'na itii, wo sé mezazani witi tampa pahkawéngan én zéi'mo talingané im witi wanua tua'na itii. Pahpaan sé tou witi wanua tua'na itii sé mahwangké-wangkér é sé tou totoz ipahkua-kua im wia ung kaayahan, wo pahpaan a riaramu, péléng sé tahsasana wanua é méilulumu.”

Wahyu 18:7

Kalakez ang kaloozan wo ang kawa'ilanan pinahpé'ananamé, téntu kangkasii ung kalakez an zézéha wo a merara un até iwéhé nioula wia ni sia. Pahpaan witu un aténa, ni sia sekezé é mahkua in téntii, ‘Ni aku éng kolano wéwéné si rimumez witu u rurumezangku ing kolano! Ni aku én zéi'kan wéwéné mahesa-esamokan, wo un atéku én zéi'kan mahpenda-pendanla u rumara pahpaan im pinatéana ni mahayo.’

Wahyu 18:9

Sé kolano wia ung kaayahan sé nimahsamekola wo sé nimawa'ilanola pahpaan um wanua tua'na itii é mamé' wo mamé' karia i mahkérét i mileka an teremuz um wanua tua'na itii im pahla'ungen.