Wahyu 18:15 - Taaz Weru Witu u Nunuwu'en Tombulu

¹⁵ Sé tou mahwangké-wangkér sé wa'ilano pahpaan um wanua tua'na itii é rimendai zou'ma im witu, pahpaan ni séra é maindé' én taa toroné an zézéha witu um wanua tua'na itii. Ni séra é mahamé' wo mahamé' karia i mahkérét,

Wahyu 18:15 Iomraidhean Croise

Markus 11:17

A Sia mahtuzu' ni séra, kuan-Na, “Witu um pinantik lenas é méipantik in téntii, ‘Um Walé-Ku é mapahkuan walé pahpengaléian péléng né tahsasana wanua.’ Taan winangun niouola wuwunian né maremu'!”

Kisah Rasul-rasul 16:19

Ing kinata'uanla né tuang ni wéwéné itii i ni séra én zéi'mo mata'u makailek zoit mengiité si wéwéné itii, a si Paulus wo si Silas tionan nérala, ang kéhongené méipahwalima witi unez um pahkaréwokan né tou in isaru wia sé mahkawasa witu um wanua tua'na itii.

Wahyu 18:12

An ipahwangkér néra é: a mas am wangunen wo am péra' am wangunen, am watu totoz mahal wo a mutiara, a roko' lenan totoz wangun wo a roko' monong mahal, roko' sutra wo kasii a roko' totoz rangdang, ang kai mahwou tariis, ang gading am wangunen, ang kai mahal am wangunen, am perunggu am wangunen, an uaséi am wangunen, wo a marmer am wangunen,

Wahyu 18:13

ang kulit kai tombal wo am pahwangunen lana mahwou tariis kaapa balsem, a mahwou tariis, mur wo kamania, an anggor, a lana zaitun, an topong totoz wangun wo ang gandum, sé sapi, sé domba, sé kawalo wo a roda, sé ata wo un asengan ni tou.

Wahyu 18:14

Sé tou mahwangké-wangkér mahkua witu um wanua tua'na itii, “Péléng am pelelo-lelonu é nimaapumoma, wo péléng an totoz mahal wo péléng am wangun, é nimaapumoma, wo zéi'mo pahile-ilekennula.”

Wahyu 18:19

An ulu néra ém pahwuzwuzan néra an awu, un tumuzu'mé un até néra é rumara wo mahamé' karia i mahkérét, “Méikaléwo'mo, um wanua tua'na Babel é méikaléwo'mo. Sé tou wéwéhan a londéi tua'na witi wanua tua'na Babel é nimawa'ilano pahpaan an ipahwangkér néra é mahal, pahpaan witu sana jam uman um wanua tua'na Babel itii éng kemumo.”

Wahyu 18:3

Pahpaan péléng sé tahsasana wanua wia ung kaayahan ém winangunnamola mahsamek tanumokan in tewelen pahpaan nimelep un anggor méiwéhéna. Sé kolano wia ung kaayahan é nimahsamekola kariana. Wo sé tou mahwangké-wangkér wia ung kaayahan é nimawa'ilanola pahpaan sé tou witu um wanua tua'na itii én totoz lumelo in tumeles an ipahwangkér.”