Wahyu 18:11 - Taaz Weru Witu u Nunuwu'en Tombulu

¹¹ Sé tou mahwangké-wangkér wia ung kaayahan é mahamé' wo rumara un até tumoro um wanua tua'na itii, pahpaan zéi'mo siapa tou tumeles an ipahwangkér néra.

Wahyu 18:11 Iomraidhean Croise

Matius 22:5

Taan sé tou kinua itii én zéi'kan pandung wana an ipahkua né ata itii, wéwéhan sé nimangé uman taré witi uma wo wéwéhan kasii sé nimangé uman simaru am papaayangen néra.

Yohanes 2:16

Im wia sé mahwangkér sé bombo ni Sia éng kimua, “Pakaéndona péléng ang kenu im wia'i, tia' kamu mangun um Walé ni Ama'-Ku maéndo pemamangkéran.”

2 Petrus 2:3

Pahpaan ung kaangkuman né méster towo itii, ni séra é mahtututu' i menéro zoit lakez wia ni kamu karia i mahsirita a sirita winangun néra uman. Taan pahpaan am pahwangunen néra itii, un ukuman wia ni séra én urémo niimek wo un endo si Opo Empung i luméwo' ni séra én zéi'mo isoro'.

Wahyu 18:15

Sé tou mahwangké-wangkér sé wa'ilano pahpaan um wanua tua'na itii é rimendai zou'ma im witu, pahpaan ni séra é maindé' én taa toroné an zézéha witu um wanua tua'na itii. Ni séra é mahamé' wo mahamé' karia i mahkérét,

Wahyu 18:20

Mahpaa-paazola é kamu sé witi kasendukan, ni kamu sé tou ni Opo Empung, sé aatu wo sé nabi, pahpaan am winangun néra wia ni kamu, sé tou witu um wanua tua'na itii é niukummoma ni Opo Empung!

Wahyu 18:23

U sena'na u solo én zéi'mo sumena'mé im witi wanua tua'na itii, wo sé mezazani witi tampa pahkawéngan én zéi'mo talingané im witi wanua tua'na itii. Pahpaan sé tou witi wanua tua'na itii sé mahwangké-wangkér é sé tou totoz ipahkua-kua im wia ung kaayahan, wo pahpaan a riaramu, péléng sé tahsasana wanua é méilulumu.”

Wahyu 18:3

Pahpaan péléng sé tahsasana wanua wia ung kaayahan ém winangunnamola mahsamek tanumokan in tewelen pahpaan nimelep un anggor méiwéhéna. Sé kolano wia ung kaayahan é nimahsamekola kariana. Wo sé tou mahwangké-wangkér wia ung kaayahan é nimawa'ilanola pahpaan sé tou witu um wanua tua'na itii én totoz lumelo in tumeles an ipahwangkér.”

Wahyu 18:9

Sé kolano wia ung kaayahan sé nimahsamekola wo sé nimawa'ilanola pahpaan um wanua tua'na itii é mamé' wo mamé' karia i mahkérét i mileka an teremuz um wanua tua'na itii im pahla'ungen.