Wahyu 17:8 - Taaz Weru Witu u Nunuwu'en Tombulu

⁸ Si binatang makaindé'en niilekmuma ing kataré, im puuna ni sia ém wiamo, taan in tarékan én zéi'mo wia. Ni sia é mondolé im witu um woso um patéan i maléwo'en. Sé tou mahento' wia ung kaayahan, sé zéi'kan méipantik witu ung kitap katou-touan rengané ung kaayahan kenu im winangun é mengusi-ngusingsing i nimileka si binatang, si im puuna ém wiamo taan in tarékan én zéi'mo wia wo mawia sumaup.

Wahyu 17:8 Iomraidhean Croise

Matius 25:34

Tumondong niitu, si Kolano éng kumua wia sé tou witu ung kakan-Na in téntii, ‘Méyémo, é kamu sé kinamango ni Ama'-Ku. Muntepomé witu ung Kakolanoan u niimeko wia ni kamu rengané ung kaayahan kenu im winangun.

Lukas 10:20

Taan zozo'pé' in téntu, ni kamu én tia'mo mahpaa-paaz, pahpaan ing kinala niouola sé sétang. Taan tawimo ni kamu mahpaa-paaz, pahpaan a ngaran niou é mémoipantik witi kasendukan.”

Lukas 8:31

Sé sétang itii mahaléi wia si Yesus in tia' pahpeperénta-Na séra i muntep witu um woso um patéan, um pahukuman sé sétang.

Yohanes 17:24

O Ama', kapaaz-Ku wisa uman un angéang-Ku, ni séra é memali-mali karia-Ku. Ni séra sé mémoiwéhémé ni Ama' wia ni Aku wo ni séra mahileka ung kawangko'an-Ku u mémoiwéhé ni Ama' wia ni Aku, pahpaan si Ama' é rimaraatémola ni Aku puunala ung kaayahan im winangun.

Kisah Rasul-rasul 15:18

u mémoipapata'u rengané im puuna.’

Efesus 1:4

Pahpaan si Opo Empung é niméléngo ni kita puunala ung kaayahan kenu im winangun mengiité um pinaesaanta karia ni Yesus Kristus, wo kita lenasen ni Opo Empung wo zéi'kan siapa um pahséro'an witu u sinaru-Na.

Titus 1:2

An tutuzu' ulit itii én ipahtuzu' nai pahpaan ni kita mahéré'la i makailek ung katou-touan makaz ing kauré-uré. Ung katou-touan makaz ing kauré-uré itii é mémoitaaza ni Opo Empung si zéi'kan mahtowo, rengan ung kaayahan im winangun.

1 Petrus 1:20

Si Kristus ém pinéléngo ni Opo Empung puunala ung kaayahan kenu im winangun. Wo wana an endo kaakazan ung kaayahan kenu, ni Sia é niméyémoma wia ung kaayahan wo kamu toro ipilot im witu un ukuman wana a singkéla'.

Wahyu 11:7

Sa séra nimakakuamoma an tinalinga wo am pina'ilek néra, wéwéhan si meneza' tou mondolé witu um woso um patéan, mékumoro' karia néra zua wo kumala ni séra wo munu' ni séra.

Wahyu 17:11

Si binatang makaindé'en itii si i makasa ém wiamo taan in tarékan én zéi'mo wia, ni sia é si esaané im wia sé pitu kolano. Ni sia i mawurimé sumaup é maéndo kolano kawalu, taan ni sia zéi'kan mauréma én ikaléwo'mo.

Wahyu 17:2

Sé kolano wia ung kaayahan é simamekola karia ni wéwéné sangaya itii. Maan sé mahento' wia ung kaayahan ém winangunnamola mahsamek pahpaan in tewelen nimelep un anggor méiwéhéna.”

Wahyu 20:10

Si tonaas né sétang si limulu sé tou itii é méiwerita witu un tasik api wo walélang melaya-layas, um wineritan kasii si binatang makaindé'en wo si nabi towo. Im witu ni séra péléng ém pahzézéhan endo wo wengi makaz ing kauré-uré.

Wahyu 20:12

Ilekengkuma sé tou nimatémo, ni séra é sé tou pahsigi-sigi'en wo sé tou kanaramen, rimendai witu u sinaru u rurumezan ni Kolano itii. In toro niitu, péléng ang kitap ém winukama, am pinantikan péléng am pinahwanguné né tou. Am wukan kasiima ung kitap walina, ung kitap katou-touan. Sé tou nimatémo ém pahtotozen ulit kaapa zéi'kan am pinahlé'os néramé mengiit a mémoipantik wana ang kitap itii.

Wahyu 20:15

Peléng sé tou sé makangaran un zéi'kan méikapantik witu ung kitap katou-touan itii, méiwerit witu un tasik api melaya-layas itii.

Wahyu 3:10

Pahpaan ni kamu én zéi'kan mazéi' i mahkiit a nuwu'-Ku in ezen ma'ento' ni Aku, niitumo, ni kamu éng kelungang-Ku im wana am pema'wa'en a mamuali wia péléng ung kaayahan i méma'wa' sé tou memia-mia ung kaayahan.

Wahyu 3:5

Séi si nimuntung, ni sia éng karaian ung karai kulo' tanu niitu. U ngaran ni tou itii én zéi'kan pali'eng-Ku im witu ung Kitap Katou-touan, taantaré ni Aku é makaulit witu u saru-sarun ni Ama'-Ku wo né malaekat-Na, ing kumua i si tou itii én tou-Ku.