Wahyu 17:7 - Taaz Weru Witu u Nunuwu'en Tombulu

⁷ Ang kuan ni malaekat itii wia ni aku, “Kaa ko mengusi-ngusingsing? Ni ko éng kuaangku un ipahwuni-wuni tumoro si wewéné itii wo un tumoro si binatang makaindé'en si rinumezan ni wéwéné itii, si binatang pitu ulu wo mapulu' sungé.

Wahyu 17:7 Iomraidhean Croise

2 Tesalonika 2:7

Si tou totoz léwo' itii é mahpaayango karia i mahwuni-wuni, taan wéwéhampé' u nimokal ni sia. Taan sa u nimokal ni sia niéndomoma,

Wahyu 1:20

Ung kalakoan a méiwunipé' itii én téntii: Sé pitu tototi'en tinionan u lengen-Ku kakan é sé pitu malaekat wia sé pitu jamaat, wo um pitu pahto'tolan solo a mas am wangunen é sé pitu jamaat.”

Wahyu 12:3

An ileken kasiima un tanda walina witi langit. Pahilekena im wéwéhan si naga tua'na totoz rangdang. An ulu ni naga tua'na itii ém pitu, a sungéna é mapulu' wo wana am wawo an uluna itii ém péléng wéwéhan am poporongen né kolano.

Wahyu 17:8

Si binatang makaindé'en niilekmuma ing kataré, im puuna ni sia ém wiamo, taan in tarékan én zéi'mo wia. Ni sia é mondolé im witu um woso um patéan i maléwo'en. Sé tou mahento' wia ung kaayahan, sé zéi'kan méipantik witu ung kitap katou-touan rengané ung kaayahan kenu im winangun é mengusi-ngusingsing i nimileka si binatang, si im puuna ém wiamo taan in tarékan én zéi'mo wia wo mawia sumaup.

Wahyu 18:1

Kumawusa niitu, an ilekengkuma si esa malaekat walina timumpamé im witi kasendukan. Ni sia ém wéwéhan ung kawasa wangko' wo u sena' nimondolé im wia ni sia é nimangun ung kaayahan nimaaya-ayahma.