Wahyu 17:3 - Taaz Weru Witu u Nunuwu'en Tombulu

³ A ni aku kawasanla ni Roh ni Opo Empung, an ipahwalima ni malaekat itii witi kapelasan. Im witu niilekkumé ém wéwéhan si wéwéné rimumez wia si binatang si totoz rangdang, si pinantikan mawuta-wuta a ngaran séséro' wia si Opo Empung. An ulu ni binatang itii ém pitu wo a sungéna é mapulu'.

Wahyu 17:3 Iomraidhean Croise

Matius 27:28

Ni séra é nimukala ung karai ni Yesus ang karaian nérala ung karai tonton monong.

Kisah Rasul-rasul 8:39

I ni séra nimondolé im witu un zano, kumompo'mé si Filipus é méipahwalimoma ni Roh ni Opo Empung nimondolé im witu wo si tonaas itii én zéi'mo nimileka ni sia. Si tonaas itii é meméhé-méhé i mahlampang karia i mahpaa-paaz.

2 Tesalonika 2:4

Ni sia é masumaru si Opo Empung wo mahlooz un touna rumakékpé'mé sé pahsigi-sigi'en kaapa sé pahongko-ongkotan né tou in Opo Empung néra. Lumousé niitu, ni sia é marumumez witi untep um Walé ni Opo Empung wo mapakua witu u saru-sarun né tou i ni sia én Opo Empung.

Wahyu 1:10

Witu un endo i mahragés wia si Opo Empung, ni aku éng kinawasa ni Roh-Na. In toro niitu, talingangkumé un zani totoz rimez un tanu zanina um pontuang witu u muriku.

Wahyu 12:14

Taan si wéwéné itii ém winéhan un zua tétéwél ni kiokiok tua'na, wo sia toro tuméwél mangé witi tampana witi kapelasan, un tampa kinelungan ni sia um wa'katé im wia si naga itii, ung kauréna én teluna ta'un wo enemna loloho'en.

Wahyu 12:3

An ileken kasiima un tanda walina witi langit. Pahilekena im wéwéhan si naga tua'na totoz rangdang. An ulu ni naga tua'na itii ém pitu, a sungéna é mapulu' wo wana am wawo an uluna itii ém péléng wéwéhan am poporongen né kolano.

Wahyu 12:6

A si wéwéné itii tumingkasa witi kapelasan, un tampa niimeko ni Opo Empung in éyéanna. Im witu ni sia éng kelungan, ung kauréna é sana riwu wo zuana atus wo enemna pulu' endo.

Wahyu 17:18

Si wéwéné niilekmumo itii én tumuzu'ma um wanua tua'na pahkua-kua u mahperénta wia péléng sé kolano wia ung kaayahan.”

Wahyu 17:4

Si wéwéné itii éng kimarai u roko' monong wo totoz rangdang. Ni sia ém pinerong a mas, am watu totoz mahal wo a mutiara. Witu u lengenna ém wéwéhan un eelepan mas am wangunen, u mawuta-wuta a léwo'an wo a makati'tiren pahpaan ung kasamekanna.

Wahyu 18:12

An ipahwangkér néra é: a mas am wangunen wo am péra' am wangunen, am watu totoz mahal wo a mutiara, a roko' lenan totoz wangun wo a roko' monong mahal, roko' sutra wo kasii a roko' totoz rangdang, ang kai mahwou tariis, ang gading am wangunen, ang kai mahal am wangunen, am perunggu am wangunen, an uaséi am wangunen, wo a marmer am wangunen,

Wahyu 18:16

wo mahkua, “Méikaléwo'mo, méikaléwo'mo um wanua tua'na pahkua-kua ung kimarai a roko' lenan totoz wangun, a roko' monong mahal wo kasii a roko' totoz rangdang wo pinerong karia a mas, am watu totoz mahal wo a mutiara,

Wahyu 21:10

A ni aku kawasanla ni Roh ni Opo Empung, an iwalima ni malaekat itii witi wawona ung kentur tua'na wo rakék. Im witu an ipapaileknamé wia ni aku um wanua tua'na lenas, u Yerusalem, um wia si Opo Empung witi kasendukan an itumpamé.

Wahyu 4:2

In toro niitukan, ni aku kinawasala ni Roh ni Opo Empung, an ilekengkuma u rurumezan ni Kolano witi kasendukan, wo im witu ém wéwéhan si Tou rimumez.