Wahyu 17:2 - Taaz Weru Witu u Nunuwu'en Tombulu

² Sé kolano wia ung kaayahan é simamekola karia ni wéwéné sangaya itii. Maan sé mahento' wia ung kaayahan ém winangunnamola mahsamek pahpaan in tewelen nimelep un anggor méiwéhéna.”

Wahyu 17:2 Iomraidhean Croise

Yohanes 2:10

ang kumua wia ni sia, “Péléng sé tou é méhépé'mé un anggor wangun wo sa sé tou teweleno, taré iondolé un anggor zéi'kan tahlous wangun. Taan ni ko, limé'os un anggor totoz wangun makaz in tarékan.”

Wahyu 14:8

Wéwéhan kasii si malaekat kazua timondongé si malaekat kataré, ang kumuama, “Kemumo, Babel, um wanua tua'na itii éng kemumo! Sé tou witu é nimangunola péléng sé tahsasana wanua i mahsamek, tanumokan ni séra nimanguna sé tou nimatewelen karia un anggor.”

Wahyu 17:13

Ni séra é nimaesaan i méhé ung ketez wo ung kawasa wia si binatang makaindé'en itii.

Wahyu 17:17

Pahpaan si Opo Empung é mahpaayango witu un até néra i mangun ang kapaaz-Na. Si Opo Empung nimangun ni séra nimaesaan i méhé ung kawasa néra i mahperénta wia si binatang makaindé'en itii, makaz péléng a nuwu' ni Opo Empung linekepoma.

Wahyu 17:5

Wo witu un tungtungna ém pinantikan u ngaran ung kalakoana é méiwunipé'. U méipantik itii én téntii, “Babel totoz ipahkua-kua! Ina' péléng né wéwéné sangaya wo péléng a léwo'an wia ung kaayahan.”

Wahyu 17:8

Si binatang makaindé'en niilekmuma ing kataré, im puuna ni sia ém wiamo, taan in tarékan én zéi'mo wia. Ni sia é mondolé im witu um woso um patéan i maléwo'en. Sé tou mahento' wia ung kaayahan, sé zéi'kan méipantik witu ung kitap katou-touan rengané ung kaayahan kenu im winangun é mengusi-ngusingsing i nimileka si binatang, si im puuna ém wiamo taan in tarékan én zéi'mo wia wo mawia sumaup.

Wahyu 18:23

U sena'na u solo én zéi'mo sumena'mé im witi wanua tua'na itii, wo sé mezazani witi tampa pahkawéngan én zéi'mo talingané im witi wanua tua'na itii. Pahpaan sé tou witi wanua tua'na itii sé mahwangké-wangkér é sé tou totoz ipahkua-kua im wia ung kaayahan, wo pahpaan a riaramu, péléng sé tahsasana wanua é méilulumu.”

Wahyu 18:3

Pahpaan péléng sé tahsasana wanua wia ung kaayahan ém winangunnamola mahsamek tanumokan in tewelen pahpaan nimelep un anggor méiwéhéna. Sé kolano wia ung kaayahan é nimahsamekola kariana. Wo sé tou mahwangké-wangkér wia ung kaayahan é nimawa'ilanola pahpaan sé tou witu um wanua tua'na itii én totoz lumelo in tumeles an ipahwangkér.”

Wahyu 18:9

Sé kolano wia ung kaayahan sé nimahsamekola wo sé nimawa'ilanola pahpaan um wanua tua'na itii é mamé' wo mamé' karia i mahkérét i mileka an teremuz um wanua tua'na itii im pahla'ungen.

Wahyu 2:22

Gena-genangen! Si wéwéné itii én ukumeng-Ku karia u saki takaz ni sia memitu-mitumokan kokolo'an. Wo sé tou mahsamek kariana én ilombo'-Ku witu un zézéha totoz wutez, sa séra zéi'kan tumula'ula am pahwangunen néra karia ni wéwéné itii.

Wahyu 3:10

Pahpaan ni kamu én zéi'kan mazéi' i mahkiit a nuwu'-Ku in ezen ma'ento' ni Aku, niitumo, ni kamu éng kelungang-Ku im wana am pema'wa'en a mamuali wia péléng ung kaayahan i méma'wa' sé tou memia-mia ung kaayahan.

Wahyu 9:21

Ni séra kasii é soo tumula'u am pahwangunen néra, tanu a: mahwunu' tou, mahriara, mahsamek wo mahremu'.