Wahyu 17:16 - Taaz Weru Witu u Nunuwu'en Tombulu

¹⁶ U mapulu' sungé un niilekmumé wo kasii si binatang makaindé'en itii é mazi'zis si wéwéné sangaya itii. Péléng a sangkum ni wéwéné itii éng kahaten néra wo ni sia én tangkolan néra. Ni séra é sumeza' u lé'ona ni wéwéné itii wo luma'ung ni sia.

Wahyu 17:16 Iomraidhean Croise

Wahyu 12:3

An ileken kasiima un tanda walina witi langit. Pahilekena im wéwéhan si naga tua'na totoz rangdang. An ulu ni naga tua'na itii ém pitu, a sungéna é mapulu' wo wana am wawo an uluna itii ém péléng wéwéhan am poporongen né kolano.

Wahyu 16:12

Si malaekat kaenem mamuwu'mé witi so'so'an selah u makangaran Efrat, a méitahu' witu un eelepan um wia ni sia, a maperama u so'so'an itii. Karia in téntu, sé kolano sé witi sendangan a méyé én toromo lumampang witu.

Wahyu 17:10

Am pitu ulu itii kasii é sé pitu kolano. Sé lima im wia sé kolano itii é nimatémo. Si esa ém wiapé' wo si esa kasii én zéi'kampé' niméyé. Sa si esa itii méyé, ni sia é merénta taan zéi'kan mauréma.

Wahyu 18:19

An ulu néra ém pahwuzwuzan néra an awu, un tumuzu'mé un até néra é rumara wo mahamé' karia i mahkérét, “Méikaléwo'mo, um wanua tua'na Babel é méikaléwo'mo. Sé tou wéwéhan a londéi tua'na witi wanua tua'na Babel é nimawa'ilano pahpaan an ipahwangkér néra é mahal, pahpaan witu sana jam uman um wanua tua'na Babel itii éng kemumo.”

Wahyu 18:8

Pahpaano niitu, im witu u sana endo ni sia én toron a meléwo': a saki melaput, u merara un até wo ung kaahreman; wo ni sia é la'ungen karia un api, pahpaan si Opo Empung, si mahtotoz ulit kaapa zéi'kan am pahwangunenna éng ketezen.”

Wahyu 19:18

wo ni kamu sumeza' a lé'ona né kolano, né tonaas né suraro, né suraro totoz ketezen, né kawalo wo né simaké wia sé kawalo itii. Wo kasii seza'en niouola a lé'ona péléng né tou: séra in ata kaapa zéi'mo ata, sé tou kanaramen wo sé tou pahsigi-sigi'en.”