Wahyu 17:10 - Taaz Weru Witu u Nunuwu'en Tombulu

¹⁰ Am pitu ulu itii kasii é sé pitu kolano. Sé lima im wia sé kolano itii é nimatémo. Si esa ém wiapé' wo si esa kasii én zéi'kampé' niméyé. Sa si esa itii méyé, ni sia é merénta taan zéi'kan mauréma.

Wahyu 17:10 Iomraidhean Croise

Wahyu 10:11

Ang kuana wia ni aku, “Totoz i maikuamu kasiila a méikuamé ni Opo Empung tumoro a mawangunen-Na wia sé tahsasana wanua, sé tahsasana réwok mahtuari, sé tahsasana nunuwu'en wo wia sé kolano.”

Wahyu 13:12

Witu u sinaru ni binatang kataré, si binatang kazua kenu mahwangun am péléng karia ung kawasa ni binatang kataré. Péléng ung kaayahan wo péléng sé mahento' witu ém winangun ni binatang kazua itii i mahongkot wo mahsigi' wia si binatang kataré, si pélaan um woanokan nimangun ni sia i maté taan u lé'oso.

Wahyu 13:3

An ilekengkuma un uluna esa ém wéwéhan um walulang. Im péla'pé', niitu én toro makawali ni sia i maté, taan um péla' itii é lé'oso. Pahpaano niitu, péléng sé tou wia ung kaayahan é mengusi-ngusingsing i nimileka si binatang makaindé'en itii, a séra kumiit ni sia.

Wahyu 17:11

Si binatang makaindé'en itii si i makasa ém wiamo taan in tarékan én zéi'mo wia, ni sia é si esaané im wia sé pitu kolano. Ni sia i mawurimé sumaup é maéndo kolano kawalu, taan ni sia zéi'kan mauréma én ikaléwo'mo.

Wahyu 17:16

U mapulu' sungé un niilekmumé wo kasii si binatang makaindé'en itii é mazi'zis si wéwéné sangaya itii. Péléng a sangkum ni wéwéné itii éng kahaten néra wo ni sia én tangkolan néra. Ni séra é sumeza' u lé'ona ni wéwéné itii wo luma'ung ni sia.