Wahyu 17:1 - Taaz Weru Witu u Nunuwu'en Tombulu

¹ A méyé si esa im wia sé pitu malaekat sé mahali-ali am pitu eelepan itii, ang kumuamé wia ni aku, “Méyémo wia'i, ni ko én tuzu'angku un ukuman wia si wéwéné sangaya ipahkua-kua si rimumez witi tampa lakez zano.

Wahyu 17:1 Iomraidhean Croise

Lukas 24:32

A si esa wo si esa mahkua, “Niitumo ndéén ni kita i mahlampang, un atéta éng kawua-wuayana i ni Sia mahsirita kariata im witi lalan ing kataré, i ni Sia nimapata'u tumoro um Pinantik Lenas wia ni kita.”

Lukas 9:30

Ang kumompo'mé ém wéwéhan sé zua tou mahsirita karia-Na. Sé zua itii é si Musa wo si Elia.

Wahyu 1:1

A méipantik witu um pinantik kenu én tumoro a méipapailek ni Yesus Kristus, a méiwéhé ni Opo Empung wia ni Sia in ipapata'u wia sé ata-Na wo séra toro mata'u an totoz i mamuali. Si Yesus Kristus é nimapaileko niana péléng wia si Yohanes ata-Na, mengiité si malaekat méiatu-Na.

Wahyu 15:1

An ilekengku kasiima un tanda walina un zéi'kan kakuaan wo makakompo'en witi kasendukan. Un tanda itii é sé pitu malaekat sé wéwéhan ung kawasa i mangun am pitu meléwo' kamurian wia ung kaayahan. Pahpaan sa nimamualimoma am pitu meléwo' itii, un upi' ni Opo Empung é nimakazola.

Wahyu 16:19

A mapahteluma um wanua tua'na itii wo makemuma am wanua tua'na né tahsasana wanua sé zéi'kan mata'u si Opo Empung. A si Opo Empung ikagenanga um wanua tua'na Babel itii, i mangun sé witu um wanua tua'na itii melep un anggor pa'it méitahu' witu un eelepan u mawuta-wuta un upi'-Na.

Wahyu 18:1

Kumawusa niitu, an ilekengkuma si esa malaekat walina timumpamé im witi kasendukan. Ni sia ém wéwéhan ung kawasa wangko' wo u sena' nimondolé im wia ni sia é nimangun ung kaayahan nimaaya-ayahma.

Wahyu 19:2

Pahpaan ni Sia i mahtotoz ulit kaapa zéi'kan am pahwangunen né tou én ulit wo zéi'kan mahsanaweka. Ni Siamo si nimukum um wanua tua'na Babel un tanumokan si wéwéné sangaya si ipahkua-kua itii, si liméwo' sé tou wia ung kaayahan kenu karia ang kasamekanna; wo um wanua tua'na itii é niukum-Na pahpaan nimunu'mo sé ata-Na.”

Wahyu 19:9

A si malaekat itii kumuamé wia ni aku, “Ipantikola in téntii, ‘Mahpaa-paazola sé tou kinua i méyé witu um pésta kawéng ni Anak ni Domba.’ ” Ang kuana kasii wia ni aku, “A méikuaku kenu én ulit, ang kenu é Nuwu' wia si Opo Empung a méyé.”

Wahyu 21:15

Si malaekat nimahnuwu'mé wia ni aku, ni sia ém wéwéhan un teken ipahukur u mas am wangunen. Un ipahukur itii ém pahukur um wanua tua'na itii karia am pepenet tua'na wo u ri'riz makaliklik um wanua tua'na itii.

Wahyu 21:9

Tumondong niitu, méyé si esa im wia sé pitu malaekat sé timion am pitu eelepan mawuta-wuta am pitu meléwo' kamurian. A si malaekat itii kumuamé wia ni aku, “Méyémo wia'i, ipapailekku wia ni ko si wéwéné kawéngen ni Anak ni Domba.”

Wahyu 4:1

Kumawusa niitu, ilekengkuma um pepenet witi kasendukan nimawukama. An talingangkumé u nuwu' totoz rimez masuat wo un zanina um pontuang un im puuna én tinalingakumo. U nuwu' itii éng kimuamé wia ni aku, “Menékomé wia'i! Ni ko ém papailekang-Ku a léwo'zéi' mamuali in tumondongé kenu.”