Wahyu 16:3 - Taaz Weru Witu u Nunuwu'en Tombulu

³ Si malaekat kazua mamuwu'mé witi tasik u méitahu' witu un eelepan um wia ni sia. A mamualima zaha' un zano witi tasik tanumokan un zaha' ni tou nimatémo wo péléng sé menou-nou witi tasik é nimaté.

Wahyu 16:3 Iomraidhean Croise

Kisah Rasul-rasul 2:41

Sé tou niméhé genang witu u méikua ni Petrus é niméhéla un tou néra i sinarani. Im witu un endo itiikan, sé tou ma'éman wia si Yesus éng kinaawesan woo teluna riwu tou.

Wahyu 10:2

Witu u lengenna ém wéwéhan ung kitap kori' ginulung, u nimawukamo. Un a'éna kakan é liméék witu um wawo un tasik wo un a'éna kawihi é liméék witu um wawo un tana'.

Wahyu 11:6

Ni séra ém wéhan ung kawasa i mapé' u langit wo zéi'kan mahuza-uzané, karegas séra i mahkua a méikuamé ni Opo Empung. Ni séra kangkasii ém wéhan ung kawasa i mangun péléng an zano maéndo zaha' wo i mukum ung kaayahan karia a meléwo' makaindé'en nimahwali-walinaan, sekez séra im paaz mangun niitu.

Wahyu 13:1

An ilekengkuma si binatang makaindé'en nimondolé witu un tasik. A sungé ni binatang makaindé'en itii é mapulu' wo an uluna ém pitu. Wana a rawis a sungéna ém wéwéhan am poporongen né kolano. Wo wana an uluna ém pinantikan a ngaran séséro' wia si Opo Empung.