Wahyu 16:2 - Taaz Weru Witu u Nunuwu'en Tombulu

² Mangé si malaekat kataré, a mamuwu'mé wia ung kaayahan a méitahu' witu un eelepan um wia ni sia. Am péléng sé tou winéhan un tanda ni binatang itii wo sé mahongkot i mahsigi' si patong ni binatang itii touané ang kupes makaindé'en wo totoz rumara.

Wahyu 16:2 Iomraidhean Croise

Kisah Rasul-rasul 12:23

In toro niitukan a sia ukumela ni malaekat ni Opo Empung, pahpaan ni sia én zéi'kan mahsigi' si Opo Empung. Ni sia nimaté kinan né loloati.

Wahyu 13:12

Witu u sinaru ni binatang kataré, si binatang kazua kenu mahwangun am péléng karia ung kawasa ni binatang kataré. Péléng ung kaayahan wo péléng sé mahento' witu ém winangun ni binatang kazua itii i mahongkot wo mahsigi' wia si binatang kataré, si pélaan um woanokan nimangun ni sia i maté taan u lé'oso.

Wahyu 14:16

A Sia, si rimumez witu um wawo u ninahak itii tumayuma um pahagi'-Na witu um wawo ung kaayahan i mupu', an upu'enna ung kaayahan.

Wahyu 14:9

Wo wéwéhan kasii si malaekat katelu timondongé sé malaekat zua itii a rumimeza ing kimuama, “Séi uman si mahongkot wo mahsigi' si binatang makaindé'en wo si patongna, wo séi uman sé nimakailek un tanda ni binatang itii witu un tungtung kaapa witu u lengenna

Wahyu 16:1

An talingangkumé u nuwu' rimez witi untep um Walé ni Opo Empung kimuamé wia sé pitu malaekat itii, “Mangémo wo maiwuwu'mé witi kaayahan an upi' ni Opo Empung a méitahu' wana am pitu eelepan itii.”

Wahyu 16:11

A séra mahséro' wia si Opo Empung si witi kasendukan pahpaan a rumara wo ang kupes néra. Taan ni séra én totoz soo tumula'u a singkéla' néra.

Wahyu 8:7

A si malaekat kataré sumengoma um pontuangna, an tumumpamé un uzan éis wo un api sinembor un zaha'. Péléng niitu é méilombo'mé wia ung kaayahan. A mala'unga u sana pahtelu ung kaayahan, u sana pahtelu ang kai wo kasii péléng an zukut mata'pé'.