Wahyu 16:19 - Taaz Weru Witu u Nunuwu'en Tombulu

¹⁹ A mapahteluma um wanua tua'na itii wo makemuma am wanua tua'na né tahsasana wanua sé zéi'kan mata'u si Opo Empung. A si Opo Empung ikagenanga um wanua tua'na Babel itii, i mangun sé witu um wanua tua'na itii melep un anggor pa'it méitahu' witu un eelepan u mawuta-wuta un upi'-Na.

Wahyu 16:19 Iomraidhean Croise

Wahyu 11:8

Sé zua tou nimatémo itii é mamezeta-zeta' witu u lalan tua'na um wanua tua'na un tampa kangkasii ni Mahpiara néra i sinalip. U ngaran um wanua tua'na itii é méiandé né tou i Sodom wo Mesir.

Wahyu 17:1

A méyé si esa im wia sé pitu malaekat sé mahali-ali am pitu eelepan itii, ang kumuamé wia ni aku, “Méyémo wia'i, ni ko én tuzu'angku un ukuman wia si wéwéné sangaya ipahkua-kua si rimumez witi tampa lakez zano.

Wahyu 17:18

Si wéwéné niilekmumo itii én tumuzu'ma um wanua tua'na pahkua-kua u mahperénta wia péléng sé kolano wia ung kaayahan.”

Wahyu 17:5

Wo witu un tungtungna ém pinantikan u ngaran ung kalakoana é méiwunipé'. U méipantik itii én téntii, “Babel totoz ipahkua-kua! Ina' péléng né wéwéné sangaya wo péléng a léwo'an wia ung kaayahan.”

Wahyu 18:10

Ni séra é marumendai zou'ma im witu um wanua tua'na itii, pahpaan i maindé' an zézéha wo ni séra éng kumua, “Méikaléwo'mo, ni ko é méikaléwo'mo, é ko wanua tua'na, Babel, um wanua tua'na enté', pahpaan witu un sana jam uman si Opo Empung é niméhémoma un ukuman.”

Wahyu 18:2

Ni sia é mahkérét totoz rimez, kuana, “Kemumo, um Babel itii éng kemumo. Um wanua tua'na itii é nimaéndomola pahwéha-wéhan né sétang, wo wuwunian péléng né roh léwo' wo wuwunian péléng né tumétéwél makati'tiren wo ikazi'zis né tou.

Wahyu 18:21

An ilekengkuma si malaekat ketezen niménété um watu katua'na um watu pegigilingan wana am pahgilingan ang gandum, an iweritnama witi tasik, ang kuana, “Téntumo um Babel, um wanua tua'na pahkua-kua itii, i méirime-rimeza méiwerit witi wawa', wo um wanua tua'na itii én zéi'mo pahile-ilekela.

Wahyu 18:5

Pahpaan a singkéla' witi wanua tua'na itii é nimahuusunano makaz witi langit, wo si Opo Empung é mémoikagenanga wana péléng a léwo'anna.