Wahyu 16:14 - Taaz Weru Witu u Nunuwu'en Tombulu

¹⁴ Sé roh né sétang itiimo sé nimahwanguné a makakompo'en wo ni séra kasii sé manimenéro sé kolano wia péléng ung kaayahan i maesaan ing kumoro' witu un endo wangko' ni Opo Empung Si Totoz Mahkawasa si kumala sé kakoro'-Na.

Wahyu 16:14 Iomraidhean Croise

Matius 24:14

U Nuwu' Lé'os tumoro ung Kakolanoan ni Opo Empung kenu én ipakawoka' wia péléng sé tou wia ung kaayahan wo péléng sé tou toro tumalinga wo mata'u. Kumawusa niitu, taré ikaayola witu ung kaakazan ung kaayahan.”

Matius 24:24

Pahpaan sé zéi'kan uli-ulit Mesias wo sé zéi'kan uli-ulit nabi é méyé wo ni séra é mangun a makakompo'en zéi'mo kakuaan, wo sa toro, ni séra kasii é lumulu sé tou pinéléngo ni Opo Empung.

Markus 13:22

Pahpaan sé mahwangu-wangun Mesias wo sé mahwangu-wangun nabi é méyé. Ni séra é mémangun a makakompo'en wo an zéi'kan kakuaan i lumulu sé tou. Wo sa toro kangkasii, sé tou pinéléngo ni Opo Empung én ipahlulu néra.

Lukas 2:1

Zéi'kan uré si Yohanes i nimatoumé, si Kaisar Agustus nimerénta im péléng sé tou witi kakolanoanna, a ngaran néra én ipantik wo toro kata'uan ung kalakez né tou.

Yohanes 8:44

Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

Roma 1:8

Kataré-taré ni aku éng kumuama u makasé wia si Opo Empungku karia u ngaran ni Yesus Kristus pahpaan ni kamu péléng. Pahpaan péléng sé tou, wisa uman ni séra é mahsirita tumoro um pa'émanen niou.

2 Tesalonika 2:9

Si tou totoz léwo' itii i méyé ém pahpaan um pinaayang ni tonaas né sétang. Ni sia é mangun a mahwangun sé tou mahkusingsing, an zéi'kan kakuaan wo a makakompo'en towo.

1 Timutius 4:1

Si Roh Lenas én uli-ulit kimua, im wana an endo in tumondong ém wéwéhan sé tou matumamburi witu um pa'émanen wo kumua in zéi'kan mata'u si Yesus. Ni séra é mahtali-talinga sé roh mahlululu uman ni séra wo mahkiit uman an tutuzu' né sétang,

Yakobus 3:15

Ung katulapan tanu niitu én zéi'kan witi kasendukan a méyé taan wia ung kaayahan a méyé, witu u lelo ni tou wo wia sé sétang a méyé.

1 Yohanes 5:19

Kata'uanta i ni kita ém wia si Opo Empung a méyé wo ung kaayahan kenu éng kinawasa ni tonaas né sétang.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 13:3

An ilekengkuma un uluna esa ém wéwéhan um walulang. Im péla'pé', niitu én toro makawali ni sia i maté, taan um péla' itii é lé'oso. Pahpaano niitu, péléng sé tou wia ung kaayahan é mengusi-ngusingsing i nimileka si binatang makaindé'en itii, a séra kumiit ni sia.

Wahyu 16:16

A sé roh léwo' telu itii ruméwoké sé kolano witu un tampa, um witu u nunuwu'en Ibrani ém pahkuan Harmagedon.

Wahyu 16:7

An talingangkumé im witu um pahtunuan a raragés wia si Opo Empung, mahkuamé, “O Mahpiara, Opo Empung, Si Totoz Mahkawasa, ni Ko i mahtotoz ulit kaapa zéi'kan am pahwangunen né tou én ulit wo zéi'kan mahsanaweka.”

Wahyu 17:14

Ni séra éng kumoro' sumaru si Anak ni Domba. Taan si Anak ni Domba éng kumala ni séra, pahpaan si Anak ni Domba itii én Tuang péléng né tuang, wo kasii Kolano péléng né kolano. Wo sé tou sé memali-mali karia ni Anak ni Domba itii kasii éng kumala ni séra. Sé tou itii é sé tinawah, sé pinéléng wo kasii sé zéi'kan mazéi' i ma'éman wia si Opo Empung.”

Wahyu 20:8

Si tonaas né sétang itii é malumulu sé tahsasana wanua witi epat zuhuna ung kaayahan. Sé tahsasana wanua itii ém pahkuan ‘Gog’ wo ‘Magog’, wo ni séra é réwoken ni tonaas né sétang itii i makumoro'. Wo ung kalakez néra én tanumokan an eris witi tasik.

Wahyu 3:10

Pahpaan ni kamu én zéi'kan mazéi' i mahkiit a nuwu'-Ku in ezen ma'ento' ni Aku, niitumo, ni kamu éng kelungang-Ku im wana am pema'wa'en a mamuali wia péléng ung kaayahan i méma'wa' sé tou memia-mia ung kaayahan.

Wahyu 6:17

Pahpaan méikaayomola witu un endo ni Opo Empung wo ni Anak ni Domba i mapailek un upi' néra wo zéi'kan siapa si makaezen i mengali niitu.