Wahyu 16:1 - Taaz Weru Witu u Nunuwu'en Tombulu

¹ An talingangkumé u nuwu' rimez witi untep um Walé ni Opo Empung kimuamé wia sé pitu malaekat itii, “Mangémo wo maiwuwu'mé witi kaayahan an upi' ni Opo Empung a méitahu' wana am pitu eelepan itii.”

Wahyu 16:1 Iomraidhean Croise

Wahyu 11:19

A mawukama um Walé ni Opo Empung um witi kasendukan. Ilekengkuma un Tatahu'an liné'osan um pinataazan ni Opo Empung witi untep um Walé-Na itii. A mahsena'mé an tila'pong wo mahzanimé an erut, méhzo'mé wo mahuzané éis totoz repet.

Wahyu 14:15

A mondolé si malaekat walina im witi Walé ni Opo Empung wo karia i rimez ni sia kimuama wia ni Sia si rimumez witu um wawo u ninahak itii, “Itayumoma um pahagi'-Mu itii wo méhémo i mupu', pahpaan an upu'en wia ung kaayahan én orasnamo in upu'en.”

Wahyu 14:18

Wo wéwéhan kasii si malaekat walina nimondolé witu um pahtunuan a raragés wia si Opo Empung. Ni sia é mahkawasa mahimek un api witu. A sia numuwu'mé karia i rimez wia si malaekat timion um pahagi' tewel itii, kuana, “Itayumoma um pahagi'mu tewel itii wo upu'enoma am wua'na an anggor wia ung kaayahan, pahpaan am wua'na an anggor itii én orasnamo in upu'en.”

Wahyu 15:1

An ilekengku kasiima un tanda walina un zéi'kan kakuaan wo makakompo'en witi kasendukan. Un tanda itii é sé pitu malaekat sé wéwéhan ung kawasa i mangun am pitu meléwo' kamurian wia ung kaayahan. Pahpaan sa nimamualimoma am pitu meléwo' itii, un upi' ni Opo Empung é nimakazola.

Wahyu 16:17

Si malaekat kapitu mamuwu'mé witi wentangan a méitahu' witu un eelepan um wia ni sia. An talingané im witu u rurumezan ni Kolano um witi untep um Walé ni Opo Empung, kimuamé, “Nimakazola.”