Wahyu 15:4 - Taaz Weru Witu u Nunuwu'en Tombulu

⁴ Séi si zéi'kan maindé' wia ni Ko, o Opo Empung, wo zéi'kan mahsigi' wo mahlooz u ngaran-Mu? Pahpaan ni Ko uman si lenas; pahpaan péléng sé tahsasana wanua é mémongkot i sumigi' ni Ko, Pahpaan méikatuzu'momé ung kaulitan i ni Ko mahtotoz ulit kaapa zéi'kan péléng am pahwangunen né tou.”

Wahyu 15:4 Iomraidhean Croise

Roma 15:9

Si Kristus kangkasii nimangun sé tahsasana wanua walina i lumooz wo sumigi' si Opo Empung pahpaan u raraatéan-Na wia ni séra. Méipantik witu um Pinantik Lenas in téntii: “Pahpaano niitu ni aku é malumooz si Opo Empung witu un unez né tahsasana wanua wo kumantar ang kakantaren i lumooz u ngaran-Mu.”

1 Petrus 1:16

Pahpaan im witu um Pinantik Lenas é méipantik in téntii, “Ung katou-touan niou é léwo'zéi' i lenas, pahpaan ni Aku kenu é lenas.”

Wahyu 11:15

A si malaekat kapitu sumengoma um pontuangna, an talingangkumé a nuwu' totoz rimez witi kasendukan a mahkuamé, “Ung kawasa i mahperénta wia ung kaayahan én anu uman ni Opo Empungta wo ni Kristus si méitaaz-Na, wo ni Sia éng kumawasa ing Kolano makaz ing kauré-uré.”

Wahyu 14:7

Si malaekat itii é nimuwu'mé totoz rimez, “Ikaindé'la si Opo Empung, pahsigi'ela wo pahloozela Sia, pahpaan un oras-Na in tumotoz in ulit kaapa zéi'kan am pahlé'osen né tou é méikaayomola. Mahongkotla wo mahsigi'la wia ni Sia si nimanguno u langit, ung kaayahan, un tasik wo péléng ang kembu'an.”

Wahyu 16:5

Talingangkumé si malaekat si mahkawasa wana an zano itii kimuamé, “Ni Ko én zéi'kan mahsanaweka, ni Ko ém wia in tarékan wo wiamo rengan im puuna, ni Ko é lenas, pahpaan ni Ko é niméhémomé un ukuman kenu.

Wahyu 16:7

An talingangkumé im witu um pahtunuan a raragés wia si Opo Empung, mahkuamé, “O Mahpiara, Opo Empung, Si Totoz Mahkawasa, ni Ko i mahtotoz ulit kaapa zéi'kan am pahwangunen né tou én ulit wo zéi'kan mahsanaweka.”

Wahyu 19:2

Pahpaan ni Sia i mahtotoz ulit kaapa zéi'kan am pahwangunen né tou én ulit wo zéi'kan mahsanaweka. Ni Siamo si nimukum um wanua tua'na Babel un tanumokan si wéwéné sangaya si ipahkua-kua itii, si liméwo' sé tou wia ung kaayahan kenu karia ang kasamekanna; wo um wanua tua'na itii é niukum-Na pahpaan nimunu'mo sé ata-Na.”

Wahyu 19:8

Si wéwéné kawéngen-Na itii é niénéanola ni Opo Empung ing kumarai u roko' lenan totoz wangun u meto-petot wo totoz kulo'!” (U roko' lenan kulo' itii, nianamo an ulit pahlé'osen né tou ni Opo Empung).

Wahyu 3:7

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Filadelfia in téntii: ‘Kenumo a Nuwu' wia Si Lenas, Si Ulit, si timion ung kusi' ni Daud a méyé. Sa Sia si nimukama um pepenet, zéi'kan siapa si toro menet niitu. Wo sa Sia si nimeneta um pepenet, zéi'kan siapa si toro muka niitu.

Wahyu 4:8

An tétéwél né epat tumou-tou itii én taheenem. Wana makaliklik wo lalem an tétéwél néra é mawuta-wuta am weren. Endo wo wengi sé tumou-tou itii én zéi'kan kumana' i mahlooz si Opo Empung. Kuan néra, “Lenas, lenas, lenasela si Opo Empung, si Totoz Mahkawasa. Si Opo Empung si wia rengané im puuna, in tarékan, wo in tumondong.”

Wahyu 6:10

Sé roh itii é mahkérété, “O Opo Empung si Mahkawasa, lenas wo ulit! Sawisamokan wo Ko taré tumotoz am pahwangunen wo mukum sé tou witi kaayahan sé nimunu'mé ni kai?”