Wahyu 15:3 - Taaz Weru Witu u Nunuwu'en Tombulu

³ Wo ni séra é mahkantar ung kakantaren ni Musa, si ata ni Opo Empung wo kasii ung kakantaren ni Anak ni Domba, u mahkuamé in téntii, “Wangko' wo zéi'kan kakuaan péléng am pinaayang-Mu, o Mahpiara, Opo Empung, Si Totoz Mahkawasa! Péléng am winangun-Mu én zéi'kan mahsanaweka wo ulit, o Kolano péléng né tahsasana wanua!

Wahyu 15:3 Iomraidhean Croise

Yohanes 1:17

Pahpaan un ukum Torat é méiwéhé mengiité si Musa, taan ung kamang tatambér wo ung kaulitan é méyé mengiité si Yesus Kristus.

1 Timutius 1:17

U looz wo u sigi' wangko' makaz ing kauré-uré wia si Opo Empung laléi, si Kolano makaz ing kauré-uré, si zéi'kan pahileken wo si esa uman! Amin.

Ibrani 3:5

Si Musa in ata é mahwangun péléng a méiatu ni Opo Empung witi Walé-Na, un tumuzu'mé tumoro an ikua ni Opo Empung in tumondong.

Wahyu 1:8

Si Opo Empung kimua, “Ni Aku én Alfa wo Omega, ung kalakoana é si Kataré-taré wo si Kamurian. Ni Aku ém wiamo rengané im puuna, in tarékan wo in tumondong. Ni Aku én Totoz Mahkawasa.”

Wahyu 11:17

Ni séra é mahkua, “Ni kai éng kumuama u makasé wia ni Ko, o Opo Empung, si Totoz Mahkawasa, si wia wo wiamo, pahpaan ni Ko én timiono ung kawasa totoz wangko' wo mahkawasamo ing Kolano.

Wahyu 14:3

Ni séra é mahkantar ung kakantaren weru witu u sinaru u rurumezan ni Kolano wo witu u sinaru né epat tumou-tou wo né pahtutu'an itii. Zéi'kan siapa zozo' in esa si toro mahtata'u ung kakantaren itii, akaz uman sé sana atus epatna pulu' wo epatna riwu tou sé tinubus im wia ung kaayahan sé toro mahtata'u niitu.

Wahyu 14:8

Wéwéhan kasii si malaekat kazua timondongé si malaekat kataré, ang kumuama, “Kemumo, Babel, um wanua tua'na itii éng kemumo! Sé tou witu é nimangunola péléng sé tahsasana wanua i mahsamek, tanumokan ni séra nimanguna sé tou nimatewelen karia un anggor.”

Wahyu 17:14

Ni séra éng kumoro' sumaru si Anak ni Domba. Taan si Anak ni Domba éng kumala ni séra, pahpaan si Anak ni Domba itii én Tuang péléng né tuang, wo kasii Kolano péléng né kolano. Wo sé tou sé memali-mali karia ni Anak ni Domba itii kasii éng kumala ni séra. Sé tou itii é sé tinawah, sé pinéléng wo kasii sé zéi'kan mazéi' i ma'éman wia si Opo Empung.”

Wahyu 19:16

Witu ung karai tonton-Na wo witu um paa-Na ém pinantikan u ngaran, “Kolano péléng né kolano wo Tuang péléng né tuang.”

Wahyu 19:2

Pahpaan ni Sia i mahtotoz ulit kaapa zéi'kan am pahwangunen né tou én ulit wo zéi'kan mahsanaweka. Ni Siamo si nimukum um wanua tua'na Babel un tanumokan si wéwéné sangaya si ipahkua-kua itii, si liméwo' sé tou wia ung kaayahan kenu karia ang kasamekanna; wo um wanua tua'na itii é niukum-Na pahpaan nimunu'mo sé ata-Na.”

Wahyu 4:8

An tétéwél né epat tumou-tou itii én taheenem. Wana makaliklik wo lalem an tétéwél néra é mawuta-wuta am weren. Endo wo wengi sé tumou-tou itii én zéi'kan kumana' i mahlooz si Opo Empung. Kuan néra, “Lenas, lenas, lenasela si Opo Empung, si Totoz Mahkawasa. Si Opo Empung si wia rengané im puuna, in tarékan, wo in tumondong.”