Wahyu 15:1 - Taaz Weru Witu u Nunuwu'en Tombulu

¹ An ilekengku kasiima un tanda walina un zéi'kan kakuaan wo makakompo'en witi kasendukan. Un tanda itii é sé pitu malaekat sé wéwéhan ung kawasa i mangun am pitu meléwo' kamurian wia ung kaayahan. Pahpaan sa nimamualimoma am pitu meléwo' itii, un upi' ni Opo Empung é nimakazola.

Wahyu 15:1 Iomraidhean Croise

Wahyu 10:3

A sia kumérété, u nuwu'na én tanumokan si singa mahséngker. I ni sia nimakanuwu'moma, an talingané un erut pitu nimuwu'mé.

Wahyu 11:14

U meléwo' kazua é limangkoioma. Taan ilekena, u meléwo' katelu é mahéyémo.

Wahyu 14:10

én toron un upi' ni Opo Empung. Ni sia én zézéhan karia un api wo um walélang witu saru-sarun né malaekat lenas wo witu u saru-sarun ni Anak ni Domba, tanumokan ni séra nimelep un anggor pa'it zéi'kan sinembor u méitahu' in esa ni Opo Empung witu un eelepan.

Wahyu 14:19

An itayuma ni malaekat itii um pahagi'na wia um wawo ung kaayahan, upu'ennama am wua'na an anggor wia ung kaayahan, an ilombo'nama am wua'na an anggor itii witu um pahpesutan an anggor un totoz tua'na. Um pahpesutan an anggor itiimo un tampa ni Opo Empung i mukum sé tou mengiit un upi'-Na.

Wahyu 16:1

An talingangkumé u nuwu' rimez witi untep um Walé ni Opo Empung kimuamé wia sé pitu malaekat itii, “Mangémo wo maiwuwu'mé witi kaayahan an upi' ni Opo Empung a méitahu' wana am pitu eelepan itii.”

Wahyu 17:1

A méyé si esa im wia sé pitu malaekat sé mahali-ali am pitu eelepan itii, ang kumuamé wia ni aku, “Méyémo wia'i, ni ko én tuzu'angku un ukuman wia si wéwéné sangaya ipahkua-kua si rimumez witi tampa lakez zano.

Wahyu 19:15

Im witu u sumah-Na é nimondolé um pisou tewel ung kumala péléng sé tahsasana wanua, wo ni Sia é merénta ni séra karia ung ketez totoz wangko', tanumokan i merénta karia un teken uaséi, wo ni Sia é mapailek un upi' ni Opo Empung, si Totoz Mahkawasa wia sé kakoro'-Na, tanumokan i mahlééka am wua'na an anggor witi pahpesutan an anggor.

Wahyu 21:9

Tumondong niitu, méyé si esa im wia sé pitu malaekat sé timion am pitu eelepan mawuta-wuta am pitu meléwo' kamurian. A si malaekat itii kumuamé wia ni aku, “Méyémo wia'i, ipapailekku wia ni ko si wéwéné kawéngen ni Anak ni Domba.”

Wahyu 8:13

An ilekengkuma ém wéwéhan si kiokiok menéwé-néwél rakék witi langit, talingangkumé sia i mahkérété, “Ikaléwo', ikaléwo', ikaléwo'mo sé tou wia ung kaayahan! Pahpaan telupé' sé malaekat sumengo am pontuang néra.”

Wahyu 8:2

An ilekengkuma sé pitu malaekat rimendai witu u sinaru ni Opo Empung. Ni séra ém winéhan tata'saan um pontuang.

Wahyu 8:6

Tumondong niitu, sé pitu malaekat sé timion tata'saan pontuang én timaano i sumengo am pontuang néra.

Wahyu 9:20

Taan sé tou walina sé zéi'kan nimaté pahpaan an zézéha itii é soopé' tumula'u am pahwangunen néra. Ni séra én zéi'kan mazéi' i mahongkot wia sé sétang, sé patong né opo-opo sé mas, péra', perunggu, watu, wo kai am wangunen; sé zéi'kan makailek kaapa zéi'kan makatalinga kaapa zéi'kan mata'u lumampang.