Wahyu 14:7 - Taaz Weru Witu u Nunuwu'en Tombulu

⁷ Si malaekat itii é nimuwu'mé totoz rimez, “Ikaindé'la si Opo Empung, pahsigi'ela wo pahloozela Sia, pahpaan un oras-Na in tumotoz in ulit kaapa zéi'kan am pahlé'osen né tou é méikaayomola. Mahongkotla wo mahsigi'la wia ni Sia si nimanguno u langit, ung kaayahan, un tasik wo péléng ang kembu'an.”

Wahyu 14:7 Iomraidhean Croise

Matius 25:13

Ang kuan ni Yesus, “Niitumo, tuméga-tégam, pahpaan zéi'kan kata'uan niou sa sawisa un endo wo un oras niitu i mamuali.”

Lukas 17:18

Kaa si tou zéi'kan Yahudi kenu uman si nimawurimé i mésumigi' wo lumooz si Opo Empung?”

Kisah Rasul-rasul 14:15

“É kamu péléng, kaa kamu mahwangun an téntu? Ni kai én tou uman masuat wo ni kamu. Ni kai i niméyé wia'i é mémahwoka' u Nuwu' Lé'os tumoro si Yesus wia ni kamu, wo kamu tumula'ula am pahwangunen niou an zéi'kan siapa torona kenu, wo méyé wia si Opo Empung si menou-nou. Ni Sia si nimangun u langit wo ung kaayahan, un tasik wo péléng am witu.

1 Petrus 4:7

Ung kaakazan ung kaayahan é lelezokan. Niitumo, pahimikela ung katou-touan niou wo tuméga-tégam, wo kamu toro uli-ulit i mengaléi.

Wahyu 11:13

In toro niitu, a méhzo'mé totoz repet. U sana pahpulu' um wanua tua'na itii é nimakemu, wo sé pituna riwu tou é nimaté pahpaan un éhzo' itii. Sé tou walina én totoz maindé', a séra mahsigi' wo mahlooz si Opo Empung si witi kasendukan.

Wahyu 11:18

Péléng sé tahsasana wanua é maupi'mo, taan méikaayomola un oras-Mu i mapailek un upi'-Mu, wo oras-Mu in tumotoz ulit kaapa zéi'kan am pahwangunen né tou nimatémo wo méhé um wawaér wia sé ata-Mu, wia sé nabi-Mu, wo wia sé tou linenas-Mu, wo wia sé tou maindé' u ngaran-Mu, wo wia sé tou kanaramen wo sé tou pahsigi-sigi'en, wo i luméwo' séi uman sé mahléléwo' ung kaayahan.”

Wahyu 15:4

Séi si zéi'kan maindé' wia ni Ko, o Opo Empung, wo zéi'kan mahsigi' wo mahlooz u ngaran-Mu? Pahpaan ni Ko uman si lenas; pahpaan péléng sé tahsasana wanua é mémongkot i sumigi' ni Ko, Pahpaan méikatuzu'momé ung kaulitan i ni Ko mahtotoz ulit kaapa zéi'kan péléng am pahwangunen né tou.”

Wahyu 16:9

Sé tou é lina'unga karia um pasu'na un api totoz wuaya. Niitumo, ni séra é mahséro' u ngaran ni Opo Empung, si mahkawasa wana péléng a meléwo' itii wo ni séra é soo tumula'u a singkéla' néra i lumooz wo sumigi' ni Sia.

Wahyu 18:10

Ni séra é marumendai zou'ma im witu um wanua tua'na itii, pahpaan i maindé' an zézéha wo ni séra éng kumua, “Méikaléwo'mo, ni ko é méikaléwo'mo, é ko wanua tua'na, Babel, um wanua tua'na enté', pahpaan witu un sana jam uman si Opo Empung é niméhémoma un ukuman.”

Wahyu 18:17

pahpaan witu u sana jam uman péléng ang kawa'ilanana é nimaapumoma.” Péléng sé mahali-ali a londéi tua'na, wo sé tou simaké wana a londéi tua'na, wo sé tou mahpaayang wana a londéi tua'na, wo péleng sé tou mahpaayang witi tasik é rimendai zimou'ma.

Wahyu 18:19

An ulu néra ém pahwuzwuzan néra an awu, un tumuzu'mé un até néra é rumara wo mahamé' karia i mahkérét, “Méikaléwo'mo, um wanua tua'na Babel é méikaléwo'mo. Sé tou wéwéhan a londéi tua'na witi wanua tua'na Babel é nimawa'ilano pahpaan an ipahwangkér néra é mahal, pahpaan witu sana jam uman um wanua tua'na Babel itii éng kemumo.”

Wahyu 19:5

An talingangkumé u nuwu' witi rurumezan ni Kolano itii mahkuamé, “Loozenola si Opo Empungta, é kamu péléng in ata-Na, ni kamu sé maindé' ni Sia, ni kamu in tou kanaramen kaapa in tou pahsigi-sigi'en!”

Wahyu 4:11

“O Mahpiara wo Opo Empung nai. Ni Ko uman si wangun i makailek u lolooz wo sisigi'an wo ung kawasa. Pahpaan péléng am péléng ém winangun-Mu, wo pahpaan ing kapaaz-Mu, niana péléng ém winangun wo wia.”

Wahyu 4:9

Sekez sé epat tumou-tou itii i mahkua a lolooz wo a sisigi'an wo u makasé wia ni Sia si rimumez witu u rurumezan ni Kolano wo si menou-nou akaz ing kauré-uré,

Wahyu 8:10

Si malaekat katelu sumengoma um pontuangna, a si tototi'en tua'na maragosé im witi langit. Si tototi'en itii é melaya-layas tanu u layasna un obor, nimaragosé witu u sana pahtelu a so'so'an wo wana ang kembu'an.