Wahyu 14:6 - Taaz Weru Witu u Nunuwu'en Tombulu

⁶ An ilekengkuma si malaekat walina menéwé-néwél witi langit. Ni sia é nimahalimé u Nuwu' Lé'os tumoro si Yesus u makaz ing kauré-uré. U Nuwu' Lé'os itii én iwoka' wia sé tou mahento' wia ung kaayahan wo wia sé tahsasana wanua wo wia sé tahsasana suzu wo wia sé tahsasana nunuwu'en wo wia sé tahsasana réwok mahtuari.

Wahyu 14:6 Iomraidhean Croise

Matius 10:27

A méikua-Ku wia ni kamu karia in ipahwuni-wuni é maipakaulitla wia sé tou. Wo a méipahkewit-Ku umanla wia ni kamu é maiwoka'la wia sé tou tanu im witu um wawo um walé wo mahwoka'.

Markus 16:15

Ang kuan-Na wia ni séra, “Mangémo wia péléng ung kaayahan, wo iwoka'la u Nuwu' Lé'os ni Opo Empung wia péléng sé tou.

Roma 16:25

U sigi' wo looz wia si Opo Empung! Ni Sia ém wéwéhan kawasa i menté' um pa'émanen niou mengiit u Nuwu' Lé'os tumoro si Yesus Kristus u méipahwoka'ku mengiit u méipapailek ni Opo Empung, u rengan ing kataré-taré méikawuni im wia sé tou.

Kolose 1:23

Niitumo, ni kamu én tia'mo kumana' i ma'éman wo tia'mo mahzua-zua genang. Ni kamu én uli-ulit ma'émanla wo tia' ipahtutula'u um pahéré'an niou witu u Nuwu' Lé'os tumoro si Yesus, un tinalinga niouo itii. U Nuwu' Lé'os itii é méikawoka'mo wia ung kaayahan, wo ni aku, Paulus, si mahpaayang a méiatu ni Opo Empung i mapata'u u Nuwu' Lé'os tumoro si Yesus itii.

2 Tesalonika 2:16

Mengalé-ngaléi uman si Yesus Kristus Mahpiarata wo si Opo Empung Ama'ta, si rimaraatémola ni kita wo nimenté'mola un atéta makaz ing kauré-uré wo nimangunola ni kita ezen i ma'ento' am wangun mengiité ung kamang tatambér-Na,

Ibrani 13:20

In tarékan si Opo Empung si mahwéhémé ung kaluasan witu un até én timoumomé sumaup si Yesus im wia sé nimaté. Si Yesus si Mahpiarata ém winangun ni Opo Empung i maéndo menanatér sé tou-Na, si totoz wangko', tanu si memimiara sé domba, si totoz pahsigi'en. Wo un zaha'-Na é nimangun um pinataazan ni Opo Empung karia né tou makaz ing kauré-uré.

1 Petrus 1:25

taan u Nuwu' ni Opo Empung én zéi'kan mazéi' makaz ing kauré-uré.” U Nuwu' kenumo, u Nuwu' Lé'os tumoro si Yesus u mémoipapata'u wia ni kamu péléng.

Wahyu 10:11

Ang kuana wia ni aku, “Totoz i maikuamu kasiila a méikuamé ni Opo Empung tumoro a mawangunen-Na wia sé tahsasana wanua, sé tahsasana réwok mahtuari, sé tahsasana nunuwu'en wo wia sé kolano.”

Wahyu 10:7

Taan si malaekat kapitu i sumengoma um pontuangna, in toro niitumokan an tinotoz tumoro an ipahwuni-wuni ni Opo Empung é malekep, tanu a méipahwoka'-Namo wia sé ata-Na, ni séramo sé nabi.”

Wahyu 13:7

Ni sia kasii é niénéan ing kumoro' wo kumala sé tou ni Opo Empung wo winéhan ung kawasa i merénta wia péléng sé tahsasana suzu wo sé tahsasana réwok mahtuari wo sé tahsasana nunuwu'en wo sé tahsasana wanua.

Wahyu 3:10

Pahpaan ni kamu én zéi'kan mazéi' i mahkiit a nuwu'-Ku in ezen ma'ento' ni Aku, niitumo, ni kamu éng kelungang-Ku im wana am pema'wa'en a mamuali wia péléng ung kaayahan i méma'wa' sé tou memia-mia ung kaayahan.

Wahyu 5:9

A sé epat tumou-tou wo sé zuana pulu' wo epat pahtutu'an kumantaré ung kakantaren weru. Kuan néra, “Ni Ko si wangun i makailek ung kitap ginulung itii, wo muka a segelna; pahpaan ni Ko si Anak ni Domba éng kinerizo, wo karia un zaha'-Mu sé tou wia ung kaayahan ém winaér-Mumo im wia sé tahsasana suzu, sé tahsasana nunuwu'en, sé tahsasana réwok mahtuari wo wia sé tahsasana wanua i maéndo anu ni Opo Empung.

Wahyu 8:13

An ilekengkuma ém wéwéhan si kiokiok menéwé-néwél rakék witi langit, talingangkumé sia i mahkérété, “Ikaléwo', ikaléwo', ikaléwo'mo sé tou wia ung kaayahan! Pahpaan telupé' sé malaekat sumengo am pontuang néra.”