Wahyu 14:4 - Taaz Weru Witu u Nunuwu'en Tombulu

⁴ Ni séra én tanumokan si tuama zéi'kampé' nimahteke-tekela karia ni wéwéné pahpaan kapaaz néra ung katou-touan néra ém weresi. Ni séra é sé mahkii-kiit si Anak ni Domba wisa uman un angéan-Na. Ni séramo sé tinubus im wia sé tou i maéndo tanu raragés kataré-taré wia si Opo Empung wo si Anak ni Domba.

Wahyu 14:4 Iomraidhean Croise

Matius 19:12

Wéwéhan sé tou zéi'kan mata'u kumawéng pahpaan ni séra én téntumo rengané im pahawa-awakempé', wo wéwéhan sé tou zéi'kan kimawéng pahpaan winangun né tou walina nimaténtu. Wéwéhan kasii sé tou zéi'kan kimawéng pahpaan niitu ém paaz néra in esa wo séra toro maayang wia si Opo Empung si witi Kakolanoan-Na. Séi si makawawa i makatulap péléng niitu, ni sia é léwo'zéi' i mahtutulap niitu.”

Matius 25:1

Kuan ni Yesus, “In toro niitu, ung Kakolanoan ni Opo Empung én tanu sé raraha mapulu' mahali-ali a solo i masumungkul si brédégom.

Matius 8:19

A méyé si tou tulap un Torat ang kumuama wia ni Sia, “Méster, ni aku éng kumiit ni Ko, wisa uman un angéan-Nu.”

Yohanes 10:27

Sé domba-Ku mahtalinga u nuwu'-Ku wo ni Aku mata'u ni séra wo ni séra mahkiit ni Aku.

Yohanes 12:26

Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.

Yohanes 13:37

Ang kuan ni Petrus wia ni Sia, “Tuang, kaa ni aku zéi'kan mata'u kumiit ni Ko in tarékan? Ung katou-touangku én iayoku pahpaan ni Ko!”

Yohanes 8:12

A si Yesus kumua kasiima wia sé tou lakez itii, “Ni Akumo si sena' ung kaayahan. Si tou mahkiit ni Aku én zéi'kan mahlampang witu ung karimbengbengan taan ni sia makailek u sena' u mahwangun sé tou makailek ung katou-touan makaz ing kauré-uré.”

Kisah Rasul-rasul 20:28

Niitumo, mile-ilek wo pahilekela péléng sé jamaat. Pahpaan ni kamumo sé tinotoz ni Roh Lenas in tumatér sé jamaat ni Opo Empung i miara ni séra. Ni séra nimaéndo jamaat-Na pahpaan ni séra ém winaér-Namo karia un zaha' ni Oki'-Na.

1 Korintus 16:15

Katuari-katuari, si Stefanus éng kata'uan niouo. Im witi Akhaya, ni sia wo sé sana awuna sé kataré-taré timula'ula a singkéla' néra, a séra ma'éman wia si Yesus. Ni séra é niméhémo un tou néra i mahsawang sé tou ni Opo Empung. Pahaléiengku wia ni kamu,

1 Korintus 6:20

Ni kamu én tineleso wo pinakawaéro ni Opo Empung. Niitumo, un awak ni esa wo ni esa én ipahsigi' wo ipahlooz uman si Opo Empung.

1 Korintus 7:28

Taan sa ko kumawéngla, ni ko én zéi'kan nimangun a singkéla'. Téntu kangkasii, si raraha sa kumawéngla, ni sia én zéi'kan nimangun a singkéla'. Taan sé tou kimawéngla itii, witu ung katou-touan kenu, ni séra é mamendan ang kasusaan. Ung kapaazku ni kamu én zéi'kan mamendan ang kasusaan itii.

2 Korintus 11:2

Um pa'émanen niou wia si Kristus én totoz pahtéizangku wo ikaupi'ku sa wéwéhan sé mahlululu um pa'émanen niou, tanu si Opo Empung én timéiz ni kamu. Pahpaan ni aku si totoz puuna nimapata'u wia ni kamu tumoro si Yesus Kristus makaz ni kamu ma'éman wia ni Sia. Niitu é masuat wo si ama' mahkakawéng si rarahana karia ni tuama maéndo mahayona. Ni kamumo sé tanu si raraha itii wo si tuama itii é si Kristus.

Efesus 1:14

Si Roh Lenas itiimo si nimenté', i ni kita é makailek u mémoitaaz ni Opo Empung wia sé tou-Na. Si Roh Lenas itiimo si nimangun ni kita ma'éman i si Opo Empung é milot sé tou-Na im witu un ukuman wana a singkéla' i lumooz ung kawangko'an-Na.

Efesus 5:27

Karia in téntu ni Sia nimangun sé jamaat-Na toro rumendai karia in totoz wangun witu u sinaru-Na, in anu-Na sé linenas ni Opo Empung wo zéi'kan siapa sinala' zozo' in esa.

1 Timutius 4:3

Ni séra é mahséro' sé tou in zéi'kan toro kumawéng, wo wéwéhan kasii ang kakanen sinéro' néra im pahkanen. Taan un ulitna péléng ang kakanen ém winangunomé ni Opo Empung in toro kanen. Sa sé tou ma'éman wia si Yesus wo mata'umo an tutuzu' ulit ni Opo Empung kuman niitu, un ipahpuu-puuna éng kumuapé'la u makasé wia si Opo Empung taré séra kuman ang kakanen itii.

Ibrani 12:23

Ni kamu kasii é mahilekan karia né tou sé nimaéndo oki' tu'a ni Opo Empung, a ngaran néra mémoipantik witi kasendukan. Wo ni kamu é mahilekan karia ni Opo Empung, si mahtotoz am pahwangunen péléng né tou in ulit kaapa zéi'kan wo mahilekan karia né roh né tou niéndo ulit sé zéi'mo siapa um pahséro'an.

Yakobus 1:18

Witu um paaz-Na in esa, ni Sia nimangun ni kita nimaéndo oki'-Na mengiité u nuwu' kaulitan. Winangun-Na téntu wo kita maéndo wua'na kataré im wana am winangun-Na.

1 Petrus 2:9

Taan ni kamumo sé pinéléng ni Opo Empung, walian i mahpaayang wia si Opo Empung si Kolano, tahsasana wanua linenas, nimaéndo tou méisanapa' wia ni Sia, wo ni kamu mahwoka' am pahwangunen ni Opo Empung an totoz wangko'. Si Opo Empung si timawahmomé ni kamu mondolé im witu ung karimbengbengan a muntep witu un ayah-Na un totoz makakompo'en.

Wahyu 17:14

Ni séra éng kumoro' sumaru si Anak ni Domba. Taan si Anak ni Domba éng kumala ni séra, pahpaan si Anak ni Domba itii én Tuang péléng né tuang, wo kasii Kolano péléng né kolano. Wo sé tou sé memali-mali karia ni Anak ni Domba itii kasii éng kumala ni séra. Sé tou itii é sé tinawah, sé pinéléng wo kasii sé zéi'kan mazéi' i ma'éman wia si Opo Empung.”

Wahyu 21:22

Ni aku én zéi'kan nimileké um Walé ni Opo Empung witu um wanua tua'na itii. Pahpaan um Walé ni Opo Empung itiimo si Opo Empung, Si Totoz Mahkawasa, wo téntu kasii si Anak ni Domba itii.

Wahyu 21:23

Um wanua tua'na itii én zéi'kan memandung u sena' ni endo wo u sena' ni loloho'en i sumena' witu, pahpaan u sena' ni Opo Empung é mahsena'ma witu um wanua tua'na itii wo u solo um wanua tua'na itii é si Anak ni Domba.

Wahyu 3:4

Taan im wia ni kamu im wia u Sardis kenu ém wéwéhampé' sé woopira tou sé zéi'kan mahsingkéla'. Ni séra én tanu si tou kimarai ung karai weresi. Ni séra é malumampang mahwali karia-Ku kimarai ung karai kulo', pahpaan ni séra ém wangun i maténtu.

Wahyu 5:9

A sé epat tumou-tou wo sé zuana pulu' wo epat pahtutu'an kumantaré ung kakantaren weru. Kuan néra, “Ni Ko si wangun i makailek ung kitap ginulung itii, wo muka a segelna; pahpaan ni Ko si Anak ni Domba éng kinerizo, wo karia un zaha'-Mu sé tou wia ung kaayahan ém winaér-Mumo im wia sé tahsasana suzu, sé tahsasana nunuwu'en, sé tahsasana réwok mahtuari wo wia sé tahsasana wanua i maéndo anu ni Opo Empung.