Wahyu 14:2 - Taaz Weru Witu u Nunuwu'en Tombulu

² An talingangkumé u nuwu' totoz rimez witi langit, tanumokan enderna un tapahan wo un erut. U nuwu' tinalingakumé itii én tanumokan an zanina ang kecapi am pahléongan né tou.

Wahyu 14:2 Iomraidhean Croise

1 Korintus 13:1

Zozo' ni aku toro mahnuwu' karia a nunuwu'en né tou wo a nunuwu'en né malaekat, taan sa ni aku zéi'kan rumaraaté sé tou walina, ni aku én tanu uman an zanina an tambor wo an téténgkoren um wayaan uman téngkoren, zéi'kan siapa torona.

Wahyu 1:10

Witu un endo i mahragés wia si Opo Empung, ni aku éng kinawasa ni Roh-Na. In toro niitu, talingangkumé un zani totoz rimez un tanu zanina um pontuang witu u muriku.

Wahyu 1:15

Un a'é-Na é meto-petot tanumokan petotna un tambaga méiluleng witu un api. Un zani u Nuwu'-Na é rimez tanumokan un enderna un tapahan.

Wahyu 11:12

A sé nabi zua itii tumalingamé u nuwu' rimez witi kasendukan u mahkuamé wia ni séra, “Mazémomé wia'i!” Pengile-ngileken né kakoro' néra, a séra mazéma witi kasendukan, sinaputa a ninahak.

Wahyu 11:15

A si malaekat kapitu sumengoma um pontuangna, an talingangkumé a nuwu' totoz rimez witi kasendukan a mahkuamé, “Ung kawasa i mahperénta wia ung kaayahan én anu uman ni Opo Empungta wo ni Kristus si méitaaz-Na, wo ni Sia éng kumawasa ing Kolano makaz ing kauré-uré.”

Wahyu 15:2

Tumondong niitu, an ilekengkuma wéwéhan un tanu un tasik kaca nimasembor wo un api. Wo witu un tembir un tanu un tasik kaca itii ém wéwéhan sé tou rimendai. Ni séramo sé kimalamoma si binatang makaindé'en itii wo si patongna wo kasii u rérékénan u ngaranna. Wia sé tou itii ém wéwéhan ung kecapi ni Opo Empung.

Wahyu 18:22

An zanina ung kecapi im pahléongan wo sé mengangantar, wo sé menenengo am peloit wo am pontuang, zéi'mo talingané im witi wanua tua'na itii, wo si tou siga' memamangun am peperong én zéi'mo pahile-ilekela im witi wanua tua'na itii, wo un zanina am watu pahgiling én zéi'mo talingané im witi wanua tua'na itii.

Wahyu 5:8

I ni Sia niméndomé ung kitap ginulung itii, sé epat tumou-tou karia né zuana pulu' wo epat pahtutu'an é rengan ing kimuruzla karia i nimongkot witu u sinaru ni Anak ni Domba itii. Ni séra péléng én timion tata'saan ung kecapi wo un eelepan u mas am wangunen a mawuta-wuta ang kamania. Ang kamania itii ém pengaléien né tou ni Opo Empung.

Wahyu 6:1

Tumondongla niitu, ilekengkuma si Anak ni Domba itii nimukama u segel kataré wana am pitu segel itii. An talingangkumé si esaané im wia sé epat tumou-tou itii é mahkérété, ung karimezna én tanumokan un zanina un erut in téntii, “Méyémo!”

Wahyu 8:7

A si malaekat kataré sumengoma um pontuangna, an tumumpamé un uzan éis wo un api sinembor un zaha'. Péléng niitu é méilombo'mé wia ung kaayahan. A mala'unga u sana pahtelu ung kaayahan, u sana pahtelu ang kai wo kasii péléng an zukut mata'pé'.