Wahyu 14:14 - Taaz Weru Witu u Nunuwu'en Tombulu

¹⁴ An ilekengkuma u ninahak kulo', wo witu um wawo u ninahak itii é rimumez si tou tanumokan si Oki' ni Tou. Witu un ulu-Na ém wéwéhan um poporongen ni kolano u mas am wangunen, wo u lengen-Na én timion um pahagi' pengungupu' un totoz tewel.

Wahyu 14:14 Iomraidhean Croise

Matius 13:30

Iwayamola ang gandum wo an tatanemen tanu ang gandum itii in tumoumé mahwali-wali makaz i maupu'en. Sa orasnamo i mupu', ni aku éng kumua in téntii wia sé mahupu': Réwokempé'mé an tatanemen tanu ang gandum wo pemule-mulesala in ziketan. Tumondong, réwokené ang gandum itii wo maitu'tula witi penunu'tulan ang gandum.’ ”

Matius 17:5

Taan i si Petrus karegaspé' mahnuwu', kumompo'mé an tumumpamé u ninahak mahsena' ang kumungkunga wia ni séra. Im witu un untep u ninahak itii tinalingamé u nuwu' kimuamé, “Si Kenumo si Oki'-Ku si ikararaaté-Ku, ni Sia si mahwangun un até-Ku mahpaa-paaz, pahtalingala Sia.”

Markus 4:29

Sa am wua'na orasnamo in upu'en, si mememendu itii éng kumii-kiit i sumoyou pahpaan orasnamo i mupu'.”

Lukas 21:27

In toro niitumo péléng sé tou é mamilek si Oki' ni Tou si witu um wawo u ninahak méyé karia péléng ang kawasa wo ang kawangko'an-Na.

Ibrani 2:9

Taan im puuna i si Yesus wiapé' ung kaayahan, ni Sia ém winangun ni Opo Empung wawa'pé'mé oki' im wia sé malaekat taan zéi'kan tahlous uré. In toro niitu, pahpaan ung kamang méitambér ni Opo Empung, ni Sia nimaté wia péléng sé tou. Pahpaan ni Sia nimazéhamo makaz i nimaté, niitumo in tarékan ni kita nimileko i si Yesus é nimakaileko u looz wo u sigi' ni Opo Empung.

Wahyu 1:13

Wo witu un unez am pahto'tolan a solo itii ém wéwéhan si tou rimendai, tanumokan si Oki' ni Tou. Ni Sia éng kimarai ung karai tonton, ung kalambo'na é nimakaz witu un tu'miz-Na, wo um wezwez-Na é rinikezan um pahsaléléng u mas am wangunen.

Wahyu 1:7

Ilekena! Ni Sia é méyé witu um wawo a ninahak, wo péléng sé tou wia ung kaayahan é milek ni Sia. Téntu kangkasii sé im puuna nimetu ni Sia karia um wengkou é milek ni Sia. Péléng sé tou wia ung kaayahan é mamé' karia i mahkérét pahpaan ni Sia. Niana péléng é mamuali téntu. Éné, amin.

Wahyu 10:1

An ilekengkuma si malaekat ketezen walina timumpamé im witi kasendukan, sinaput u ninahak, wo witu um wawo un uluna ém wéwéhan un zuni', ung giona é mahsena' tanu si endo, wo un a'éna én tanumokan un tombol melaya-layas.

Wahyu 11:17

Ni séra é mahkua, “Ni kai éng kumuama u makasé wia ni Ko, o Opo Empung, si Totoz Mahkawasa, si wia wo wiamo, pahpaan ni Ko én timiono ung kawasa totoz wangko' wo mahkawasamo ing Kolano.

Wahyu 19:12

Um weren-Na én tanumokan u layasna un api wo witu um wawo un ulu-Na é lakez am poporongen né kolano wo im wia ni Sia ém pinantikan ngaran un zéi'kan siapa si mata'u, akaz uman ni Sia in esa si mata'u.

Wahyu 20:11

An ilekengkuma u rurumezan ni Kolano ung kulo' wo tua'na wo ni Sia si rimumez witu. Witu u saru-sarun-Na a mazéi'ma u langit wo ung kaayahan makaz in zéi'mo pinahile-ilekla un tampana.

Wahyu 6:2

An ilekengkuma si kawalo kulo', si sinakéan ni tou timion um pana. Si tou itii ém winéhan um poporongen ni kolano. Ni sia si nimuntungo, mangé ing kumala sé kakoro'na.