Wahyu 14:11 - Taaz Weru Witu u Nunuwu'en Tombulu

¹¹ Un teremuzna un api mahzézéha ni séra é mahlintooza makaz ing kauré-uré, wo endo wengi ni séra én zéi'kan mazéi' im pahzézéhan. Ni séra é sé mahongkot wo mahsigi' si binatang makaindé'en itii karia ni patongna, wo kasii sé nimakaileko tanda u ngaranna.”

Wahyu 14:11 Iomraidhean Croise

Matius 11:28

Méyémo wia ni Aku, péléng sé marawoi wo sé lakez am pengalin, ni kamu ém wéhang-Ku ung kaenaan.

Matius 25:41

Ang kuan-Na wia sé tou witu ung kawihi-Na, ‘Tumingkasa im witu u sinaru-Ku, é kamu sé tou tinoro un epa'! Muntepoma witu un api zéi'kan mahpaté u niimek in iwéhé wia si tonaas né sétang wo sé malaekatna.

Matius 25:46

Sé tou kenu én iuntep witi tampa pahukuman makaz ing kauré-uré, taan sé tou ulit én iuntep witu ung katou-touan makaz ing kauré-uré.”

Ibrani 1:8

Taan tumoro si Oki'-Na, si Opo Empung éng kimua, “U rurumezan-Nu ing Kolano, o Opo Empung, makaz ing kauré-uré. Ni Ko i mahperénta é mahperénta karia ung kaulitan.

Wahyu 11:15

A si malaekat kapitu sumengoma um pontuangna, an talingangkumé a nuwu' totoz rimez witi kasendukan a mahkuamé, “Ung kawasa i mahperénta wia ung kaayahan én anu uman ni Opo Empungta wo ni Kristus si méitaaz-Na, wo ni Sia éng kumawasa ing Kolano makaz ing kauré-uré.”

Wahyu 13:12

Witu u sinaru ni binatang kataré, si binatang kazua kenu mahwangun am péléng karia ung kawasa ni binatang kataré. Péléng ung kaayahan wo péléng sé mahento' witu ém winangun ni binatang kazua itii i mahongkot wo mahsigi' wia si binatang kataré, si pélaan um woanokan nimangun ni sia i maté taan u lé'oso.

Wahyu 13:15

Wo si binatang kazua itii ém winéhan ung kawasa i méhé un asengan witu um patong ni binatang kataré itii. Karia in téntu, si patong ni binatang kataré itii én toro mahnuwu' wo toro mahwangun apa uman taka-takazan péléng sé tou sé zéi'kan mahongkot wo mahsigi' si patong ni binatang itii ém wunu'en.

Wahyu 13:17

Wo zéi'kan siapa tou wo toro mangkér kaapa tumeles sa sia zéi'kan winéhan un tanda itii. Un tanda itii é ngaran ni binatang itii kaapa rérékénan u ngaranna.

Wahyu 14:9

Wo wéwéhan kasii si malaekat katelu timondongé sé malaekat zua itii a rumimeza ing kimuama, “Séi uman si mahongkot wo mahsigi' si binatang makaindé'en wo si patongna, wo séi uman sé nimakailek un tanda ni binatang itii witu un tungtung kaapa witu u lengenna

Wahyu 18:18

Wo ni séra é mahkérét i nimileka an teremuzna un api a mahla'unga um wanua tua'na itii, in téntii, “Wanua tua'na wisa un ipahkua-kua tanu um wanua tua'na itii?”

Wahyu 18:9

Sé kolano wia ung kaayahan sé nimahsamekola wo sé nimawa'ilanola pahpaan um wanua tua'na itii é mamé' wo mamé' karia i mahkérét i mileka an teremuz um wanua tua'na itii im pahla'ungen.

Wahyu 19:3

Wo ing kazua ni séra é mahkuamé, “Haleluya! An teremuzna an api lima'unga um wanua tua'na itii é mahlintooza makaz ing kauré-uré!”

Wahyu 20:10

Si tonaas né sétang si limulu sé tou itii é méiwerita witu un tasik api wo walélang melaya-layas, um wineritan kasii si binatang makaindé'en wo si nabi towo. Im witu ni séra péléng ém pahzézéhan endo wo wengi makaz ing kauré-uré.

Wahyu 22:5

Im witu um wanua tua'na itii én zéi'mo siapa wengi wo péléng am witu én zéi'mo memandung sena' u solo wo u sena' ni endo, pahpaan si Opo Empung si nimaéndo sena' i mahsena'ma wia ni séra. Wo ni séra é merénta ing kolano makaz ing kauré-uré.

Wahyu 7:12

karia i mahkua, “Amin! A lolooz, ang kawangko'an, ang katulapan, a makasé, a sisigi'an, ang kawasa wo ang kaenté'an ém wia uman si Opo Empungta makaz ing kauré-uré! Amin!”