Wahyu 13:5 - Taaz Weru Witu u Nunuwu'en Tombulu

⁵ Si binatang makaindé'en itii é niénéan i mahkua ang kaweraan wo mahséro' wia si Opo Empung. Ni sia kangkasii ém winéhan ung kawasa i mangun niitu epatna pulu' wo zuana loloho'en ung kauréna.

Wahyu 13:5 Iomraidhean Croise

2 Tesalonika 2:3

Zozo' ing kura, tia' kamu towoan umanla né tou! Pahpaan puunala un endo i si Yesus méyé sumaup, ang kenu a léwo'zéi' i mamualipé'la: Lakez sé tou tumamburi im wia si Opo Empung wo si tou totoz léwo' é mapailek un touna wo ni sia én tinotozo i léwo'en.

2 Tesalonika 2:4

Ni sia é masumaru si Opo Empung wo mahlooz un touna rumakékpé'mé sé pahsigi-sigi'en kaapa sé pahongko-ongkotan né tou in Opo Empung néra. Lumousé niitu, ni sia é marumumez witi untep um Walé ni Opo Empung wo mapakua witu u saru-sarun né tou i ni sia én Opo Empung.

2 Tesalonika 2:8

in toro niitumokan taré si tou totoz léwo' itii mapailek un touna. Taan i si Yesus Mahpiara méyé sumaup, ni Sia é sumengo umana si tou totoz léwo' itii i munu' ni sia wo karia ung kawangko'an ung kawasa-Na, ni Sia é luméwo' si tou totoz léwo' itii.

Wahyu 11:7

Sa séra nimakakuamoma an tinalinga wo am pina'ilek néra, wéwéhan si meneza' tou mondolé witu um woso um patéan, mékumoro' karia néra zua wo kumala ni séra wo munu' ni séra.

Wahyu 12:14

Taan si wéwéné itii ém winéhan un zua tétéwél ni kiokiok tua'na, wo sia toro tuméwél mangé witi tampana witi kapelasan, un tampa kinelungan ni sia um wa'katé im wia si naga itii, ung kauréna én teluna ta'un wo enemna loloho'en.

Wahyu 12:6

A si wéwéné itii tumingkasa witi kapelasan, un tampa niimeko ni Opo Empung in éyéanna. Im witu ni sia éng kelungan, ung kauréna é sana riwu wo zuana atus wo enemna pulu' endo.

Wahyu 13:7

Ni sia kasii é niénéan ing kumoro' wo kumala sé tou ni Opo Empung wo winéhan ung kawasa i merénta wia péléng sé tahsasana suzu wo sé tahsasana réwok mahtuari wo sé tahsasana nunuwu'en wo sé tahsasana wanua.