Wahyu 13:2 - Taaz Weru Witu u Nunuwu'en Tombulu

² Si binatang niilekku itii, un touna é masuat wo si macan tutul, un a'éna é masuat wo un a'é ni beruang wo u sumahna é masuat wo u sumah ni singa. Si binatang itii ém winéhanla ni naga ung ketezna, u rurumezanna ing kolano wo ung kawasana um wangko'.

Wahyu 13:2 Iomraidhean Croise

2 Timutius 4:17

Taan si Mahpiara én timatér wo nimenté' ni aku makaz u Nuwu' Lé'os toro ipakawoka'ku wo talingana péléng né tou zéi'kan Yahudi. Karia in téntu, ni aku é méikapiloté im witu um patéan tanumokan méikapiloté witu u sumah ni singa.

1 Petrus 5:8

Ni kamu é léwo'zéi' i mile-ilek wo tuméga-tégam! Pahpaan si tonaas né sétang si kakoro' niou itii é melili-liklik menéro tou ing kalan, masuat wo si singa melili-liklik i menéro tou in tongko'en.

Wahyu 12:13

I si naga itii nimata'umola i ni sia é mémoilombo'mé wia ung kaayahan, a sia mahkikiit si wéwéné timoumé si Lowai itii.

Wahyu 12:15

A si naga itii mukama u sumahna a mondolé un zano, ung kalakezna én tanumokan un zano witu u so'so'an totoz tember, méisaruma wia si wéwéné itii i mahaayuz ni sia.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 13:12

Witu u sinaru ni binatang kataré, si binatang kazua kenu mahwangun am péléng karia ung kawasa ni binatang kataré. Péléng ung kaayahan wo péléng sé mahento' witu ém winangun ni binatang kazua itii i mahongkot wo mahsigi' wia si binatang kataré, si pélaan um woanokan nimangun ni sia i maté taan u lé'oso.

Wahyu 13:4

A séra mahongkot wo mahsigi' wia si naga pahpaan ni sia é niméhéla ung kawasana wia si binatang itii. Ni séra kasii é mahongkot wo mahsigi' si binatang itii a mahkua, “Séi si kasuat ni binatang kenu? Wo séi si makawawa ing kumoro' sumaru ni sia?”

Wahyu 16:10

Si malaekat kalima mamuwu'mé witu u rurumezan ing kolano ni binatang makaindé'en itii, u méitahu' witu un eelepan um wia ni sia. A marimbengbenga ung kakolanoan ni binatang itii, taka-takazan sé mahongkot wia si binatang itii é mahketep lila' pahpaan in totozo raraan.

Wahyu 17:12

A mapulu' sungé niilekmuma itii, ni séramo sé mapulu' kolano sé zéi'kampé' mahperénta. Taan ni séra é makailek ung kawasa i merénta ing kolano karia ni binatang makaindé'en itii, ung kauréna é sana jam.

Wahyu 19:20

A si binatang makaindé'en karia si nabi towo itii kationala. Si nabi towo itii é si nimahwangunola a makakompo'en witu u sinaru ni binatang itii karia ung kawasa méiwéhénamé. Karia a makakompo'en itii, méipahlulunamé sé tou nimakaileko un tanda ni binatang itii wo nimahongkot wo nimahsigi'mola si patongna. Si binatang makaindé'en wo si nabi towo itii é menou-noupé' an ilombo'ma witu un tasik api wo walélang melaya-layas.

Wahyu 2:13

Kata'uang-Ku um pahwéha-wéhan niou. Ni kamu é mahento' witu un tampa kinawasaan ni tonaas né sétang. Taan zozo' in téntu, ni kamu én zéi'kan mazéi' i ma'éman wia ni Aku, wo ni kamu kangkasii én zéi'kan mahkélong i ma'éman ni Aku. Téntu kangkasii, ni kamu én zéi'kan mazéi' i ma'éman, im witu un endo si Antipas si mengungua a niilek wo tinalingana tumoro ni Aku, si totoz ma'éman ni Aku, im winunu' witu u saru-sarun niou witu un tampa kinawasaan ni tonaas né sétang.

Wahyu 20:2

Si naga, si ulé' tu'a itii, si pahkuan tonaas né sétang wo sétang mahlulu sé tou én tinionan ni malaekat itii. Si naga itii é niapusna sana riwuna ta'un ung kauréna.