Wahyu 13:18 - Taaz Weru Witu u Nunuwu'en Tombulu

¹⁸ Un ipahpuu-puuna im wia'i éng katulapan. Séi si tulap, tawimo sia i rumékénla lé'os u rérékénan ni binatang itii. Pahpaan u rérékénan itii é rérékénan u ngaran ni tou. Wo u rérékénan itii én enemna atus enemna pulu' wo enem.

Wahyu 13:18 Iomraidhean Croise

Markus 13:14

Kuan ni Yesus, “Ni kamu é milek si tou totoz léwo' wo meléléwo' am péléng, makarendai witu un tampa zéi'kan wangun wia ni sia. (Si macama ang kenu é méhéla genang witu ung kalakoana). In toro niitu, tawimo sé tou witi Yudea én tumingkasa wana ang kentur.

Roma 3:5

Taan sa karia an zéi'kan ulit am pahwangunenta éng kalousna ni kita i mahilek ung kaulitan ni Opo Empung, apa un ikuata? Mahsanaweka wé si Opo Empung sa mapaileké un upi'-Na? Ni aku ing kimuama téntu mengiit ung genangku in tou uman.

Wahyu 1:3

Mahpaa-paazola sia si nimacama wo séra sé timalingama a méipantik tumoro a mamuali wo mahkiit a méipantik witu. Pahpaan péléng niana én zéi'mo uré i mamuali.

Wahyu 15:2

Tumondong niitu, an ilekengkuma wéwéhan un tanu un tasik kaca nimasembor wo un api. Wo witu un tembir un tanu un tasik kaca itii ém wéwéhan sé tou rimendai. Ni séramo sé kimalamoma si binatang makaindé'en itii wo si patongna wo kasii u rérékénan u ngaranna. Wia sé tou itii ém wéwéhan ung kecapi ni Opo Empung.

Wahyu 17:9

Un ipahpuu-puuna wia'i éng genang kinaria ung katulapan. Am pitu ulu ni binatang makaindé'en itii ém pitu kentur rinumezan ni wéwéné itii.

Wahyu 21:17

Kumawusa niitu, an ukurena kasiima u ri'riz makaliklikna. U ri'riz itii é sana atus epatna pulu' wo epat hasta, um woo enemna pulu' meter, mengiit un ipahukur né malaekat, u masuat karia um ipahukur né tou.