Wahyu 13:16 - Taaz Weru Witu u Nunuwu'en Tombulu

¹⁶ Si binatang kazua itii kangkasii é nimatu péléng sé tou, séra in tou kanaramen kaapa in tou pahsigi-sigi'en, tou wa'ilan kaapa tou zéi'kan siapa apa, ata kaapa zéi'mo ata, im wéhan un tanda witu u lengen kakan kaapa wana an tungtung néra.

Wahyu 13:16 Iomraidhean Croise

Kisah Rasul-rasul 26:22

Taan pahpaan in tinulung ni Opo Empung, ni aku é menou-noupé' makaz in tarékan wo mahkua wia sé tou a niilekku wo an tinalingaku, ni séra in tou pahsigi-sigi'en kaapa tou kanaramen. Péléng a méipahwoka'ku itii é masuat wo a mémoipahwoka'mé ni Musa wo né nabi im puuna.

1 Korintus 12:13

Ni kita in tou Yahudi kaapa zéi'kan tou Yahudi, ata kaapa zéi'mo ata é nimaéndo esa pahpaan ni kita péléng é sinarani ni Roh Lenas nimaéndo tanu esa awak. Ni kita péléng é nimakailek si Roh Lenas itii kangkasii witu un até.

Galatia 3:28

Niitumo, im wia ni kamu én zéi'kan siapa sé pahkuan tou Yahudi kaapa zéi'kan tou Yahudi, zéi'kan siapa sé pahata-atan wo sé zéi'mo pahata-atan, zéi'kan siapa tuama kaapa wéwéné, ni kamu péléng é nimaesamo pahpaan ma'éman wia si Kristus Yesus.

Galatia 6:17

Rengan in tarékan, tia' wo wéwéhampé' si tou mahsususa ni aku, pahpaan im witu un awakku ém wéwéhan am walulang i ni aku pinahzézéhamé, un tumuzu'mé i ni aku én anu ni Yesus.

Efesus 6:8

Kata'uan niouo im péléng sé tou, sia in ata kaapa zéi'kan ata sa sia nimangun a lé'os é makailek um wawaér um wia si Mahpiara a méyé.

Kolose 3:11

Niitumo, wia ni kita én zéi'mo siapa si pahkuan tou Yunani kaapa tou Yahudi, tou sinunat kaapa zéi'kan sinunat, tou Barbar kaapa tou Skit, ata kaapa zéi'mo ata, pahpaan si Kristus si ipahpuu-puuna wo péléng sé tou ma'éman é nimaesamo karia-Na.

2 Timutius 3:8

Tanu si Yanes wo si Yambres mahsaru si Musa im puuna, téntu kangkasii sé tou itii i mahsaru ung kaulitan. Am pakahgena-genang néra é léwo'mo wo um pa'émanen néra én zéi'mo ulit.

Wahyu 11:18

Péléng sé tahsasana wanua é maupi'mo, taan méikaayomola un oras-Mu i mapailek un upi'-Mu, wo oras-Mu in tumotoz ulit kaapa zéi'kan am pahwangunen né tou nimatémo wo méhé um wawaér wia sé ata-Mu, wia sé nabi-Mu, wo wia sé tou linenas-Mu, wo wia sé tou maindé' u ngaran-Mu, wo wia sé tou kanaramen wo sé tou pahsigi-sigi'en, wo i luméwo' séi uman sé mahléléwo' ung kaayahan.”

Wahyu 15:2

Tumondong niitu, an ilekengkuma wéwéhan un tanu un tasik kaca nimasembor wo un api. Wo witu un tembir un tanu un tasik kaca itii ém wéwéhan sé tou rimendai. Ni séramo sé kimalamoma si binatang makaindé'en itii wo si patongna wo kasii u rérékénan u ngaranna. Wia sé tou itii ém wéwéhan ung kecapi ni Opo Empung.

Wahyu 19:18

wo ni kamu sumeza' a lé'ona né kolano, né tonaas né suraro, né suraro totoz ketezen, né kawalo wo né simaké wia sé kawalo itii. Wo kasii seza'en niouola a lé'ona péléng né tou: séra in ata kaapa zéi'mo ata, sé tou kanaramen wo sé tou pahsigi-sigi'en.”

Wahyu 19:20

A si binatang makaindé'en karia si nabi towo itii kationala. Si nabi towo itii é si nimahwangunola a makakompo'en witu u sinaru ni binatang itii karia ung kawasa méiwéhénamé. Karia a makakompo'en itii, méipahlulunamé sé tou nimakaileko un tanda ni binatang itii wo nimahongkot wo nimahsigi'mola si patongna. Si binatang makaindé'en wo si nabi towo itii é menou-noupé' an ilombo'ma witu un tasik api wo walélang melaya-layas.

Wahyu 19:5

An talingangkumé u nuwu' witi rurumezan ni Kolano itii mahkuamé, “Loozenola si Opo Empungta, é kamu péléng in ata-Na, ni kamu sé maindé' ni Sia, ni kamu in tou kanaramen kaapa in tou pahsigi-sigi'en!”

Wahyu 20:12

Ilekengkuma sé tou nimatémo, ni séra é sé tou pahsigi-sigi'en wo sé tou kanaramen, rimendai witu u sinaru u rurumezan ni Kolano itii. In toro niitu, péléng ang kitap ém winukama, am pinantikan péléng am pinahwanguné né tou. Am wukan kasiima ung kitap walina, ung kitap katou-touan. Sé tou nimatémo ém pahtotozen ulit kaapa zéi'kan am pinahlé'os néramé mengiit a mémoipantik wana ang kitap itii.

Wahyu 20:4

An ilekengkuma a rurumezan né kolano wo sé tou rimumez witu ém winéhanna ung kawasa in tumotoz ulit kaapa zéi'kan am pinahlé'osé né tou. Ilekengku kasiima sé roh né tou sé im puuna éng kinetoran an ulu pahpaan i mahkua a niilek wo an tinalinga néra tumoro si Yesus wo kasii pahpaan i mahkua u Nuwu' ni Opo Empung, sé zéi'kan mahongkot wo mahsigi' wia si binatang wo wia si patong ni binatang itii wo sé zéi'kan tinandaan an tungtung wo a lengen néra. Ni séra é méitou sumaup ni Opo Empung, a merénta ing kolano karia ni Kristus sana riwuna ta'un ung kauréna.

Wahyu 6:15

In toro niitu, sé kolano wia ung kaayahan, sé pahsigi-sigi'en, sé tonaas né suraro, sé tou wa'ilan, sé tou mahkawasa, péléng sé ata wo sé zéi'mo ata é mahwuni wana an tuleng, wana am pinaselat am watu wana ang kentur.

Wahyu 7:3

kuana, “Tia'pé' pahléléwo'en niou un tana' kaapa un tasik kaapa ang kai, sa zéi'kampé' tinandaan naima an tungtung né ata ni Opo Empungta.”