Wahyu 13:10 - Taaz Weru Witu u Nunuwu'en Tombulu

¹⁰ Séi si tinotozo im buin, tantumo ni sia é maiuntep bui. Séi si tinotozo im wunu'en karia um pisou, ni sia é léwo'zéi' im wunu'en karia um pisou. Niitumo un totoz ipahpuu-puuna, sé tou ni Opo Empung é léwo'zéi' in ezen wo tia' mazéi' i ma'éman.

Wahyu 13:10 Iomraidhean Croise

Matius 26:52

Ang kuan ni Yesus wia si tou itii, “Iuma'la sumaup um pisoumu itii, pahpaan péléng sé tou mahpaké um pisou i munu' tou, ni sia kangkasii é maté karia um pisou.

Matius 7:2

Pahpaan kuramo ni kamu i mahtotoz a liné'os né tou walina, téntumo si Opo Empung in tumotoz a liné'os niou. Wo kuramo um pakahilek niou wia sé tou walina, téntu kangkasii um pakahilek ni Opo Empung wia ni kamu.

Lukas 21:19

Sa ni kamu ezen, ni kamu é makailek ung katou-touan makaz ing kauré-uré.”

Kolose 1:11

Ni kai kasii mengaléi, wo ung kawasa-Na un totoz wangko' é mangun un até niou i maenté', taka-takazan maan ing kuramokan ung kalakez an zézéha pahsarun niou, ni kamu én zéi'kan mazéi' i ma'éman wo totoz uman ezen i mengali niitu,

Ibrani 6:12

Kasoo nai ni kamu i maéndo tou sé soo kumura. Taan ikapaaz nai ni kamu menou-nou tanu sé tou nimakailek u méitaaz ni Opo Empung pahpaan ni séra é ma'éman ni Sia wo pahpaan ung kaezenan néra.

Wahyu 1:9

Ni aku, Yohanes, katuari niou esa pa'émanen. Ni kita é nimendanomé an zézéha pahpaan i mahkiit si Yesus, méikauntep witi Kakolanoan ni Opo Empung wo ezen ma'ento' si Yesus i mawurimé sumaup. Ni aku é méitia' witi katanaan makangaran Patmos pahpaan mahkua u Nuwu' ni Opo Empung wo a mémoipapata'u ni Yesus.

Wahyu 11:18

Péléng sé tahsasana wanua é maupi'mo, taan méikaayomola un oras-Mu i mapailek un upi'-Mu, wo oras-Mu in tumotoz ulit kaapa zéi'kan am pahwangunen né tou nimatémo wo méhé um wawaér wia sé ata-Mu, wia sé nabi-Mu, wo wia sé tou linenas-Mu, wo wia sé tou maindé' u ngaran-Mu, wo wia sé tou kanaramen wo sé tou pahsigi-sigi'en, wo i luméwo' séi uman sé mahléléwo' ung kaayahan.”

Wahyu 14:12

Un ipahpuu-puuna im wia'i éng kaezenan né tou ni Opo Empung, sé mahkiit am perénta-Na wo ma'éman wia si Yesus.

Wahyu 16:6

Ni séra é nimunu'mo sé tou ni Opo Empung wo sé nabi, ni séra kasii ém winéhan-Numola un zaha' in elepen. Un ukuman itii um wangun im wia ni séra!”

Wahyu 17:11

Si binatang makaindé'en itii si i makasa ém wiamo taan in tarékan én zéi'mo wia, ni sia é si esaané im wia sé pitu kolano. Ni sia i mawurimé sumaup é maéndo kolano kawalu, taan ni sia zéi'kan mauréma én ikaléwo'mo.

Wahyu 17:8

Si binatang makaindé'en niilekmuma ing kataré, im puuna ni sia ém wiamo, taan in tarékan én zéi'mo wia. Ni sia é mondolé im witu um woso um patéan i maléwo'en. Sé tou mahento' wia ung kaayahan, sé zéi'kan méipantik witu ung kitap katou-touan rengané ung kaayahan kenu im winangun é mengusi-ngusingsing i nimileka si binatang, si im puuna ém wiamo taan in tarékan én zéi'mo wia wo mawia sumaup.

Wahyu 2:19

Kata'uang-Ku péléng am pinaayang niou: U raraaté niou wo kasii um pa'émanen niou, um paayangen niou wo ung kaezenan niou im wana an zézéha. Kata'uang-Ku am pinaayang niou in tarékan é lumouspé'mé am pinaayang niou im puuna in taré ma'émanla wia ni Aku.

Wahyu 2:2

Kata'uang-Ku péléng am pinaayang niou. Ni kamu é mahtututu' i mahwangun ang kapaaz-Ku wo kasii zéi'kan mazéi' i ma'éman zozo' in zézéha. Kata'uang-Ku kasii i ni kamu én zéi'kan makaezen wia sé tou léwo'. Sé tou mengua-ngua in aatu-Ku taan ndéén zéi'kan ém pinahtata'u niouola, wo kinata'uan niouola i ni séra én tantowo.

Wahyu 3:10

Pahpaan ni kamu én zéi'kan mazéi' i mahkiit a nuwu'-Ku in ezen ma'ento' ni Aku, niitumo, ni kamu éng kelungang-Ku im wana am pema'wa'en a mamuali wia péléng ung kaayahan i méma'wa' sé tou memia-mia ung kaayahan.

Wahyu 3:3

Niitumo, gena-genangen an tutuzu' kinailekan wo tinalinga niouo. Pahwangunela niitu wo itula'umola a singkéla' pahwangunen niou. Pahpaan sa ni kamu zéi'kan timégam, ni Aku i mawurimé sumaup é mahkompo-kompo' umané tanu si maremu', wo ni kamu én zéi'kan mata'u sawisa un orasna ni Aku i méyé wia ni kamu.