Wahyu 12:7 - Taaz Weru Witu u Nunuwu'en Tombulu

⁷ Tumondong niitu, a mamualima um pahkoro'an witi kasendukan. Si Mikhael wo sé malaekatna é mahkoro' mahsaru si naga si pahsawangan né malaekat ni naga itii.

Wahyu 12:7 Iomraidhean Croise

Matius 13:41

Si Oki' ni Tou é matu sé malaekat-Na i maruméwok sé tou witi Kakolanoan-Na sé nimangun sé tou walina i mahsingkéla' wo péléng sé tou zéi'kan mahkiit um paaz ni Opo Empung.

Matius 16:27

Pahpaan si Oki' ni Tou é méyé sumaup karia né malaekat-Na wo karia ung kawasa ni Ama'-Na. In toro niitu, ni Sia é maér wia si tou mengiit am pinahlé'osa ni esa wo ni esa.

Matius 24:31

Ni Sia é matu sé malaekat-Na i mondola karia i simengoma um pontuang ung karimez un zanina zéi'mo kakuaan. Ni séra é ruméwok péléng sé tou pinéléng-Na im wana péléng saruan, sé witi penpen u langit kasaru makaz witi penpen u langit kasaru.”

Matius 25:41

Ang kuan-Na wia sé tou witu ung kawihi-Na, ‘Tumingkasa im witu u sinaru-Ku, é kamu sé tou tinoro un epa'! Muntepoma witu un api zéi'kan mahpaté u niimek in iwéhé wia si tonaas né sétang wo sé malaekatna.

Matius 26:53

Kaapa pahgenangen nioula i ni Aku én zéi'kan toro mahaléia wia si Ama'-Ku, wo rengan in iatu-Namé sé mapulu' wo zuana réwok suraro né malaekat i mésumawang ni Aku?

2 Korintus 12:7

Taan wo ni aku zéi'kan maloozan pahpaan an zéi'kan kakuaan a méipapata'u ni Opo Empung wia ni aku, ni aku é nimakailek u saki. U saki itii nimangun ni aku in totoz zézéha, niitu én tanu u susulah witu un touku méiwéhémé ni tonaas né sétang wia ni aku wo ni aku zéi'kan maloozan.

Efesus 6:12

Pahpaan ni kita i mahkoro' én zéi'kan mahsaru sé tou, taan mahsaru sé pa'opoen léwo' mahperénta wia ung kaayahan wo péléng ang kawasa a mahperénta sé roh léwo' itii. Ni kita kasii é mahkoro' mahsaru ang kawasa wana ang karimbengbengan im wia ung kaayahan kenu wo sé roh léwo' witi langit.

2 Tesalonika 1:7

Wo ni Sia é méhé ung kaenaan wia ni kamu sé mahpendan an zézéha wo kasii wia ni kai. Niitu é mamuali i si Yesus Mahpiara tumumpamé im witi kasendukan i mapailek un tou-Na karia né malaekat-Na sé mawuta-wuta ang kawasa wo karia un api melaya-layas.

Ibrani 2:10

Si Opo Empung si nimangun péléng am péléng ém wanguno i nimangun si Yesus zéi'kan siapa pahséro'an pahpaan ni Sia é nimazéhamo makaz i nimaté. Karia in téntu, si Yesus é nimaéndo memumuka lalan wo sé tou makailek ung katou-touan makaz ing kauré-uré. Téntu kangkasii, si Opo Empung é nimangun sé tou lakez maéndo oki'-Na taka-takazan pahloozen wo pahsigi'en tanu ni Sia si pahloozen wo pahsigi'en itii.

2 Petrus 2:4

Pahpaan sé malaekat mahsingkéla' én zéi'kan niampungan ni Opo Empung. Ni séra é méilombo'-Nama witi naraka am buin witu un tuleng makaz witu un endo ni séra in totozen im wana am pahwangunen néra.

Yudas 1:9

Si Mikhael si tonaas né malaekat i mahzéi-zéi'an karia ni tonaas né sétang, soo tumotoz karia a séséro' wia si tonaas né sétang tumoro séi si makailek un awak ni Musa. Si Mikhael éng kimua uman, “Mengalé-ngaléi si Opo Empung é rumekaké ni ko!”

Wahyu 12:8

Taan si naga itii wo sé malaekatna én zéi'kan nimakawawama, a séra iwohomé im witi kasendukan.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 13:7

Ni sia kasii é niénéan ing kumoro' wo kumala sé tou ni Opo Empung wo winéhan ung kawasa i merénta wia péléng sé tahsasana suzu wo sé tahsasana réwok mahtuari wo sé tahsasana nunuwu'en wo sé tahsasana wanua.

Wahyu 20:2

Si naga, si ulé' tu'a itii, si pahkuan tonaas né sétang wo sétang mahlulu sé tou én tinionan ni malaekat itii. Si naga itii é niapusna sana riwuna ta'un ung kauréna.