Wahyu 12:3 - Taaz Weru Witu u Nunuwu'en Tombulu

³ An ileken kasiima un tanda walina witi langit. Pahilekena im wéwéhan si naga tua'na totoz rangdang. An ulu ni naga tua'na itii ém pitu, a sungéna é mapulu' wo wana am wawo an uluna itii ém péléng wéwéhan am poporongen né kolano.

Wahyu 12:3 Iomraidhean Croise

Wahyu 12:1

An ilekena un tanda wangko' witi langit. Wéwéhan si wéwéné kimarai si endo, un a'éna é liméék witu um wawo ni loloho'en. Witu un ulu ni wéwéné itii ém wéwéhan um poporongen ing kolano u mapulu' wo zua tototi'en am wangunen.

Wahyu 12:13

I si naga itii nimata'umola i ni sia é mémoilombo'mé wia ung kaayahan, a sia mahkikiit si wéwéné timoumé si Lowai itii.

Wahyu 12:17

Niitumo si naga itii én totoz maupi' wia si wéwéné itii, a si naga itii mangé i zuméha sé suzu walina ni wéwéné itii, sé mahkiit um perénta ni Opo Empung wo kasii mahkua un tinalinga wo niilek néra tumoro si Yesus.

Wahyu 12:4

Wo un ipusna é mahkéhongé sana pahtelu né tototi'en witi langit, an ilombo'nama sé tototi'en itii witi kaayahan. Si naga tua'na itii é rimendai witu u sinaru ni wéwéné si mahento-ento'mokan in tumoumé si oki'na, i sumo'kep wo luma'meza si itoumé ni wéwéné itii.

Wahyu 12:7

Tumondong niitu, a mamualima um pahkoro'an witi kasendukan. Si Mikhael wo sé malaekatna é mahkoro' mahsaru si naga si pahsawangan né malaekat ni naga itii.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 13:1

An ilekengkuma si binatang makaindé'en nimondolé witu un tasik. A sungé ni binatang makaindé'en itii é mapulu' wo an uluna ém pitu. Wana a rawis a sungéna ém wéwéhan am poporongen né kolano. Wo wana an uluna ém pinantikan a ngaran séséro' wia si Opo Empung.

Wahyu 13:2

Si binatang niilekku itii, un touna é masuat wo si macan tutul, un a'éna é masuat wo un a'é ni beruang wo u sumahna é masuat wo u sumah ni singa. Si binatang itii ém winéhanla ni naga ung ketezna, u rurumezanna ing kolano wo ung kawasana um wangko'.

Wahyu 13:4

A séra mahongkot wo mahsigi' wia si naga pahpaan ni sia é niméhéla ung kawasana wia si binatang itii. Ni séra kasii é mahongkot wo mahsigi' si binatang itii a mahkua, “Séi si kasuat ni binatang kenu? Wo séi si makawawa ing kumoro' sumaru ni sia?”

Wahyu 15:1

An ilekengku kasiima un tanda walina un zéi'kan kakuaan wo makakompo'en witi kasendukan. Un tanda itii é sé pitu malaekat sé wéwéhan ung kawasa i mangun am pitu meléwo' kamurian wia ung kaayahan. Pahpaan sa nimamualimoma am pitu meléwo' itii, un upi' ni Opo Empung é nimakazola.

Wahyu 16:13

An ilekengkuma im witu u sumah ni naga wo im witu u sumah ni binatang makaindé'en wo kasii im witu u sumah ni nabi towo itii é nimondolé sé telu roh léwo' tanumokan sé pékak.

Wahyu 17:12

A mapulu' sungé niilekmuma itii, ni séramo sé mapulu' kolano sé zéi'kampé' mahperénta. Taan ni séra é makailek ung kawasa i merénta ing kolano karia ni binatang makaindé'en itii, ung kauréna é sana jam.

Wahyu 17:16

U mapulu' sungé un niilekmumé wo kasii si binatang makaindé'en itii é mazi'zis si wéwéné sangaya itii. Péléng a sangkum ni wéwéné itii éng kahaten néra wo ni sia én tangkolan néra. Ni séra é sumeza' u lé'ona ni wéwéné itii wo luma'ung ni sia.

Wahyu 17:7

Ang kuan ni malaekat itii wia ni aku, “Kaa ko mengusi-ngusingsing? Ni ko éng kuaangku un ipahwuni-wuni tumoro si wewéné itii wo un tumoro si binatang makaindé'en si rinumezan ni wéwéné itii, si binatang pitu ulu wo mapulu' sungé.

Wahyu 19:12

Um weren-Na én tanumokan u layasna un api wo witu um wawo un ulu-Na é lakez am poporongen né kolano wo im wia ni Sia ém pinantikan ngaran un zéi'kan siapa si mata'u, akaz uman ni Sia in esa si mata'u.

Wahyu 20:2

Si naga, si ulé' tu'a itii, si pahkuan tonaas né sétang wo sétang mahlulu sé tou én tinionan ni malaekat itii. Si naga itii é niapusna sana riwuna ta'un ung kauréna.