Wahyu 12:2 - Taaz Weru Witu u Nunuwu'en Tombulu

² Ni sia é mahawa-awak, wo mema'o-ma'osokan karia i mengéré-ngérét pahpaan orasnamo in tumou si oki'na.

Wahyu 12:2 Iomraidhean Croise

Matius 24:8

Taan péléng a mamuali itii én taré ung kataré-taré, tanumokan si wéwéné i mahpendan u rumara pahpaan in tumoumo si oki'na.

Yohanes 16:21

Si wéwéné é mahpendan u rumara karegas sia i mahtoumé si oki'na, taan i mémoitoumé si oki'na, ni sia én zéi'mo mahgenang u rumarana pahpaan u mahpaa-paaz in timoumomé si oki'na wia ung kaayahan kenu.

Galatia 4:19

É ni kamu sé oki'ku ikararaatéku. Pahpaan ni kamu, ni aku mahpendan kasii u rumara tanumokan si wéwéné in tumou si oki'na. Ni aku kasii én zéi'kampé' kumana' i mendan u rumara makaz ung katou-touan ni Kristus toro kaile-ilekan witu ung katou-touan niou.

Galatia 4:27

Pahpaan witu um Pinantik Lenas é méipantik téntii, “Mahpaa-paazola é ko si wéwéné pesel, si zéi'kan nimahtou-toumé si koki'! Mahkérétla karia i mahpaa-paaz é ni ko si wéwéné zéi'kan nimendané u rumara in timoumé si koki'! Pahpaan si wéwéné méitula'umoma ni mahayona, ni sia é makailek koki' lumousé sé wéwéné wéwéhan mahayo.”

Wahyu 12:4

Wo un ipusna é mahkéhongé sana pahtelu né tototi'en witi langit, an ilombo'nama sé tototi'en itii witi kaayahan. Si naga tua'na itii é rimendai witu u sinaru ni wéwéné si mahento-ento'mokan in tumoumé si oki'na, i sumo'kep wo luma'meza si itoumé ni wéwéné itii.