Wahyu 12:12 - Taaz Weru Witu u Nunuwu'en Tombulu

¹² Niitumo, o kasendukan, mahpaa-paazola, wo ni kamu péléng sé mahento' witu. Taan ikaléwo'la kamu sé wia um wawo un tana' wo sé witi tasik! Pahpaan karia in totoz maupi' si tonaas né sétang én timumpamoma wia ni kamu. Pahpaan un orasna i mahwangun a léwo' én zéi'mo mauréma.”

Wahyu 12:12 Iomraidhean Croise

Lukas 15:10

Ni Aku kumuama wia ni kamu, téntu kangkasii sé malaekat ni Opo Empung sé witi kasendukan é mahpaa-paaz pahpaan wéwéhan si tou mahsingkéla' timula'u a singkéla'na.”

Lukas 2:14

“U sigi' wo u looz én iwéhé uman wia si Opo Empung si witi kaséndukan! Wo ung kaluasan witu un até wia sé tou wia ung kaayahan, sé mahwangun si Opo Empung mahpaa-paaz.”

Ibrani 10:37

Pahpaan witu um Pinantik Lenas é méipantik téntii, “Zéi'mo uré, si méyé itii é méyémo, ni Sia i méyé én zéi'kan ikaurémé.

2 Petrus 3:8

Katuari-katuari ikararaatéku, wéwéhan un totoz ing gena-genangen niou. Im wia si Mahpiara u sana endo é masuat uman wo u sana riwu ta'un, wo u sana riwu ta'un é masuat uman wo u sana endo.

Wahyu 10:6

a sia mahtiwa' witu u ngaran-Na si menou-nou makaz ing kauré-uré, si nimangun u langit wo péléng am witu, ung katanaan wo péléng am witu, wo un tasik wo péléng am witu, kuana, “Un oras si Opo Empung i mangun ang ginenang-Na én zéi'mo isoro'!

Wahyu 11:10

Sé tou wia ung kaayahan én totoz mahpaa-paaz, pahpaan sé tou zua itii é nimatémo. Sé tou itii é mahpésta wo mahsasawelan ang kukulu, pahpaan sé zua nabi itiimo sé im puuna nimangun sé tou wia ung kaayahan totoz nimazéha-zéhama.

Wahyu 11:14

U meléwo' kazua é limangkoioma. Taan ilekena, u meléwo' katelu é mahéyémo.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 13:6

A si binatang itii rengan mahséro' wia si Opo Empung, mahséro' u ngaran-Na wo mahséro' um pahwéha-wéhan-Na wo péléng sé mahento' witi kasendukan.

Wahyu 18:20

Mahpaa-paazola é kamu sé witi kasendukan, ni kamu sé tou ni Opo Empung, sé aatu wo sé nabi, pahpaan am winangun néra wia ni kamu, sé tou witu um wanua tua'na itii é niukummoma ni Opo Empung!

Wahyu 8:13

An ilekengkuma ém wéwéhan si kiokiok menéwé-néwél rakék witi langit, talingangkumé sia i mahkérété, “Ikaléwo', ikaléwo', ikaléwo'mo sé tou wia ung kaayahan! Pahpaan telupé' sé malaekat sumengo am pontuang néra.”

Wahyu 9:12

U meléwo' kataré é limangkoioma, taan wéwéhampé' zua u meléwo' mahtondongé.