Biblia Todo Logo
Bìoball air-loidhne

- Sanasan -




Wahyu 12:10 - Taaz Weru Witu u Nunuwu'en Tombulu

10 An talingangkumé u nuwu' rimez witi kasendukan u mahkuamé, “In tarékan én orasnamo si Opo Empung i milot sé tou-Na im witu un ukuman wana a singkéla' i mapailek ung kawasa-Na, merénta ing kolano wo si Kristus si méitaaz-Na i mapailek ung kawasa-Na ing kolano wia ung kaayahan. Pahpaan si tonaas né sétang si im puuna endo wo wengi rimendai witu u sinaru ni Opo Empung i mahtoké sé katuari esa pa'émanen é méiondolomé an ilombo'mé wia ung kaayahan.

Faic an caibideil Dèan lethbhreac




Wahyu 12:10
24 Iomraidhean Croise  

A si Yesus mingkotla, “Ni ko éng kimuamomé niitu, taan ikua-Kuma wia ni kamu, rengan in tarékan ni kamu é milek si Oki' ni Tou i rimumez witu ung kakan ni Totoz Mahkawasa wo méyé witu um wawo a ninahak witi langit.”


A si Yesus rumétéla ni séra ang kumuama, “Péléng ang kawasa witi kasendukan wo wia ung kaayahan é mémoiwéhé wia ni Aku.


ung Kakolanoan-Nu é méyé, um paaz-Mu é mamuali wia ung kaayahan wo witi kasendukan.


A séra wingkotela ni Yesus, kuan-Na, “Sa kamu mengaléi, téntii un ikua nioula, Ama', u ngaran-Mu é lenasen. Ung Kakolanoan-Nu é méyé.


Ang kuan ni Yesus wia si Simon Petrus, “Simon, Simon, amoké talinganuma ung kenu! Si tonaas né sétang é nimenutu'momé i mema'wa' ni kamu wo ni kamu én tanumokan ang gandum im pahgéigéien wo ikatampasé witu un itingna.


Sa kamu nimaréwok, genangenola ung genangku é memali-mali karia niou karia ung kawasa ni Yesus Mahpiarata,


Taan winingkot umané ni Opo Empung, “Ung kamang méitambér-Ku wia ni ko én toromo. Pahpaan, i ni ko zéi'kan enté' ung kawasa-Ku totoz nimalekep.” Niitumo, ni aku mahpaa-paaz i mahlooz un touku in zéi'kan enté', wo kapenda-pendanangku ung kawasa ni Kristus é memali-mali kariaku.


Téntu kangkasii sé wéwéné tu'amo, ni séra é léwo'zéi' i menou-nou mahkiit ung kapaaz ni Opo Empung, zéi'kan toro mahtawuruk sé tou walina wo zéi'kan toro mahelep a menewelen. Taantaré ni séra é léwo'zéi' i mahtuzu' am wangun,


Ni kamu é léwo'zéi' i mile-ilek wo tuméga-tégam! Pahpaan si tonaas né sétang si kakoro' niou itii é melili-liklik menéro tou ing kalan, masuat wo si singa melili-liklik i menéro tou in tongko'en.


A si malaekat kapitu sumengoma um pontuangna, an talingangkumé a nuwu' totoz rimez witi kasendukan a mahkuamé, “Ung kawasa i mahperénta wia ung kaayahan én anu uman ni Opo Empungta wo ni Kristus si méitaaz-Na, wo ni Sia éng kumawasa ing Kolano makaz ing kauré-uré.”


Séi si nimuntung wo mahwangun ang kapaaz-Ku makaz ni Aku i mawurimé sumaup ém wéhang-Ku ung kawasa i merénta péléng sé tahsasana wanua.


Karia i rimez ni séra mahkua in téntii, “Si toro milot ni kita im witu un ukuman wana a singkéla' én akaz uman si Opo Empungta si rimumez witu u rurumezan-Na ing Kolano wo si Anak ni Domba.”


Lean sinn:

Sanasan


Sanasan