Wahyu 12:1 - Taaz Weru Witu u Nunuwu'en Tombulu

¹ An ilekena un tanda wangko' witi langit. Wéwéhan si wéwéné kimarai si endo, un a'éna é liméék witu um wawo ni loloho'en. Witu un ulu ni wéwéné itii ém wéwéhan um poporongen ing kolano u mapulu' wo zua tototi'en am wangunen.

Wahyu 12:1 Iomraidhean Croise

Matius 12:38

A sé woopira tou tulap un Torat wo sé sana réwok tou Farisi kumuama wia si Yesus, “Méster, ni kai ém paaz milek ni Ko i manguné u makakompo'en.”

Matius 24:30

In toro niitu, sé tou é milek a mamuali witi langit un tumuzu'mé i si Oki' ni Tou é méyémo sumaup. Péléng sé tou wia ung kaayahan é mamé' wo ni séra é milek si Oki' ni Tou si witu um wawo u ninahak witi langit karia péléng ang kawasa wo ang kawangko'an-Na.

Markus 13:25

Sé tototi'en witi langit é magogo im witi langit wo ang kawasa witi langit é makayo'.

Lukas 21:11

Un éhzo' totoz repet wo a saki melaput karia ang kaahreman é mamuali wana lakez tampa. Wo witi langit é mamuali a makaindé'en wo an zéi'kan kakuaan.

Lukas 21:25

“Im wia si endo, si loloho'en wo sé tototi'en ém wéwéhan a mamuali. Im wia ung kaayahan péléng sé tahsasana wanua é maindé' wo malinganga i mahsaru un ender wo u sempa'na un tasik.

Yohanes 3:29

Si makaanu si broit é si brédégom, taan si kakaria ni brédégom si rimendai witu u réténa wo mahtalinga ni sia én totoz mahpaa-paaz in timalingamé u nuwu' ni brédégom itii. Téntu kangkasii ni aku, in tarékan u mahpaa-paazku ém wutulo.

Kisah Rasul-rasul 2:19

Ni Aku é mangun a makakompo'en witi langit wo an zéi'kan kakuaan wia ung kaayahan: wéwéhan an zaha', an api wo an teremuz zemdem an tanumokan ninahak.

Roma 13:14

Taan méyémo kita maéndo tanu si Yesus Kristus Mahpiara, wo pahilekené né tou am pahwangunenta. Karia in téntu, ni séra én tanu nimilek ni Sia witu un touta. Wo tia'mo megena-genang uman ing kumiit a lelo léwo' un awakmu in esa.

Roma 3:22

im pélén sé tou ma'éman si Yesus Kristus uman sé niéndo ulit ni Opo Empung. Si Opo Empung nimangun niitu wia péléng sé tou ma'éman pahpaan péléng sé tou é masuat uman.

2 Korintus 11:2

Um pa'émanen niou wia si Kristus én totoz pahtéizangku wo ikaupi'ku sa wéwéhan sé mahlululu um pa'émanen niou, tanu si Opo Empung én timéiz ni kamu. Pahpaan ni aku si totoz puuna nimapata'u wia ni kamu tumoro si Yesus Kristus makaz ni kamu ma'éman wia ni Sia. Niitu é masuat wo si ama' mahkakawéng si rarahana karia ni tuama maéndo mahayona. Ni kamumo sé tanu si raraha itii wo si tuama itii é si Kristus.

Galatia 3:27

Ni kamu péléng sé sinaranimo karia u ngaran ni Kristus, ung katou-touan niou én tanumo ung katou-touan ni Kristus.

Galatia 4:26

Taan un taaz walina éng kasuat ni mahayo ni Abraham, si Sara. Si Sara én toro pasuaten karia u Yerusalem weru um witi kasendukan. Ni sia én ina'ta, sé zéi'kan ata un ukum Torat.

Galatia 6:14

Taan um pahloo-loozku én zéi'kan un touku, si pahloo-loozku é si Yesus Kristus Mahpiarata si nimaté sinalip. Pahpaan si Yesus Kristus Mahpiarata nimaté sinalip, niitumo, am pahileken né tou wia ung kaayahan kenu im wéwéhan torona én zéi'mo siapa torona im wia ni aku. Wo ni aku én tanumokan i nimatémo im wia ung kaayahan kenu.

Efesus 5:32

Un tutuzu' taré ikuakuma itii ung kalakoana én totoz susa im pahtata'un né tou, taan ung kalakoan u méikua-Kuma én tumoro um pinasungkulan ni Kristus karia né jamaat-Na.

Wahyu 1:20

Ung kalakoan a méiwunipé' itii én téntii: Sé pitu tototi'en tinionan u lengen-Ku kakan é sé pitu malaekat wia sé pitu jamaat, wo um pitu pahto'tolan solo a mas am wangunen é sé pitu jamaat.”

Wahyu 11:19

A mawukama um Walé ni Opo Empung um witi kasendukan. Ilekengkuma un Tatahu'an liné'osan um pinataazan ni Opo Empung witi untep um Walé-Na itii. A mahsena'mé an tila'pong wo mahzanimé an erut, méhzo'mé wo mahuzané éis totoz repet.

Wahyu 12:3

An ileken kasiima un tanda walina witi langit. Pahilekena im wéwéhan si naga tua'na totoz rangdang. An ulu ni naga tua'na itii ém pitu, a sungéna é mapulu' wo wana am wawo an uluna itii ém péléng wéwéhan am poporongen né kolano.

Wahyu 15:1

An ilekengku kasiima un tanda walina un zéi'kan kakuaan wo makakompo'en witi kasendukan. Un tanda itii é sé pitu malaekat sé wéwéhan ung kawasa i mangun am pitu meléwo' kamurian wia ung kaayahan. Pahpaan sa nimamualimoma am pitu meléwo' itii, un upi' ni Opo Empung é nimakazola.

Wahyu 21:14

U ri'riz méiliklik um wanua tua'na itii é méirendai witu u mapulu' wo zua watu to'tolan. Wo wana am wawo am watu to'tolan itii ém pinantikan a ngaran ni esa wo ni esa né mapulu' wo zua aatu ni Anak ni Domba itii.

Wahyu 21:23

Um wanua tua'na itii én zéi'kan memandung u sena' ni endo wo u sena' ni loloho'en i sumena' witu, pahpaan u sena' ni Opo Empung é mahsena'ma witu um wanua tua'na itii wo u solo um wanua tua'na itii é si Anak ni Domba.