Wahyu 11:8 - Taaz Weru Witu u Nunuwu'en Tombulu

⁸ Sé zua tou nimatémo itii é mamezeta-zeta' witu u lalan tua'na um wanua tua'na un tampa kangkasii ni Mahpiara néra i sinalip. U ngaran um wanua tua'na itii é méiandé né tou i Sodom wo Mesir.

Wahyu 11:8 Iomraidhean Croise

Matius 10:15

Uli-ulit ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahlé'osen né tou, un ukuman wia sé tou witipé' Sodom wo Gomora u rorak taan un ukuman wia sé tou witu um wanua tua'na itii.”

Kisah Rasul-rasul 9:4

A sia ikawesahma witu un tana' an talinganamé u nuwu' kimuamé in téntii, “Saulus, Saulus, kaa Aku pahzézéhannu?”

Ibrani 13:12

Tanu sé tatamun ém pahtunun witi ondol tampa rinendaian né tou Israel an ténda, si Yesus kangkasii é nimazézéha witi ondolé u Yerusalem i lumenas sé tou-Na karia un zaha'-Na in esa.

Ibrani 6:6

taan maapuma niitu, ni séra soomo ma'éman, zéi'kan mamuali im werun sumaup in tumula'u a singkéla'. Ni séra én tanu simalip sumaup si Oki' ni Opo Empung wo mahséro' wia ni Sia witu u sinaru né tou lakez.

2 Petrus 2:6

Téntu kangkasii i si Opo Empung nimukum um wanua tua'na Sodom wo ung Gomora. Lina'ung-Na am wanua tua'na itii i mapagenang wia sé tou, u mamuali wia sé tou in tumondong sé zéi'kan pandung ni Sia.

Yudas 1:7

Téntu u nimamuali witi Sodom wo Gomora karia am wanua tua'na makaliklik witu. Am pahwangunen né tou wana é masuat wo am pahwangunen né malaekat itii, mahwangun a samek wo mahwuwutul uman a lelo léwo' un awak néra an zéi'kan tanu ang kinanaram. Ni séra péléng é niukum karia un api zéi'kan mahpaté-patéla i mapagenang wia péléng sé tou.

Wahyu 11:13

In toro niitu, a méhzo'mé totoz repet. U sana pahpulu' um wanua tua'na itii é nimakemu, wo sé pituna riwu tou é nimaté pahpaan un éhzo' itii. Sé tou walina én totoz maindé', a séra mahsigi' wo mahlooz si Opo Empung si witi kasendukan.

Wahyu 11:9

Sé tou wia péléng sé tahsasana wanua, sé tahsasana suzu, sé tahsasana nunuwu'en wo sé tahsasana réwok mahtuari é mengile-ngilek sé zua nimatémo itii, ung kauréna én telu wo sana pahzuana endo. Zéi'kan iwéhé né tou itii sé zua nimatémo itii i maileweng.

Wahyu 14:20

Am wua'na an anggor itii ém pahpesuten witi ondol um wanua tua'na. Im witu um pahpesutan itii mahso'so'mé un zaha', ung karakékna é nimakaz witu u semuz ni kawalo wo kazou'na um pahso'so'ana én teluna atus kilometer.

Wahyu 14:8

Wéwéhan kasii si malaekat kazua timondongé si malaekat kataré, ang kumuama, “Kemumo, Babel, um wanua tua'na itii éng kemumo! Sé tou witu é nimangunola péléng sé tahsasana wanua i mahsamek, tanumokan ni séra nimanguna sé tou nimatewelen karia un anggor.”

Wahyu 16:19

A mapahteluma um wanua tua'na itii wo makemuma am wanua tua'na né tahsasana wanua sé zéi'kan mata'u si Opo Empung. A si Opo Empung ikagenanga um wanua tua'na Babel itii, i mangun sé witu um wanua tua'na itii melep un anggor pa'it méitahu' witu un eelepan u mawuta-wuta un upi'-Na.

Wahyu 17:1

A méyé si esa im wia sé pitu malaekat sé mahali-ali am pitu eelepan itii, ang kumuamé wia ni aku, “Méyémo wia'i, ni ko én tuzu'angku un ukuman wia si wéwéné sangaya ipahkua-kua si rimumez witi tampa lakez zano.

Wahyu 17:18

Si wéwéné niilekmumo itii én tumuzu'ma um wanua tua'na pahkua-kua u mahperénta wia péléng sé kolano wia ung kaayahan.”

Wahyu 17:5

Wo witu un tungtungna ém pinantikan u ngaran ung kalakoana é méiwunipé'. U méipantik itii én téntii, “Babel totoz ipahkua-kua! Ina' péléng né wéwéné sangaya wo péléng a léwo'an wia ung kaayahan.”

Wahyu 18:10

Ni séra é marumendai zou'ma im witu um wanua tua'na itii, pahpaan i maindé' an zézéha wo ni séra éng kumua, “Méikaléwo'mo, ni ko é méikaléwo'mo, é ko wanua tua'na, Babel, um wanua tua'na enté', pahpaan witu un sana jam uman si Opo Empung é niméhémoma un ukuman.”

Wahyu 18:18

Wo ni séra é mahkérét i nimileka an teremuzna un api a mahla'unga um wanua tua'na itii, in téntii, “Wanua tua'na wisa un ipahkua-kua tanu um wanua tua'na itii?”

Wahyu 18:2

Ni sia é mahkérét totoz rimez, kuana, “Kemumo, um Babel itii éng kemumo. Um wanua tua'na itii é nimaéndomola pahwéha-wéhan né sétang, wo wuwunian péléng né roh léwo' wo wuwunian péléng né tumétéwél makati'tiren wo ikazi'zis né tou.

Wahyu 18:21

An ilekengkuma si malaekat ketezen niménété um watu katua'na um watu pegigilingan wana am pahgilingan ang gandum, an iweritnama witi tasik, ang kuana, “Téntumo um Babel, um wanua tua'na pahkua-kua itii, i méirime-rimeza méiwerit witi wawa', wo um wanua tua'na itii én zéi'mo pahile-ilekela.

Wahyu 18:24

Um wanua tua'na itii é niukum pahpaan sé nabi, sé tou ni Opo Empung wo péléng sé tou wia ung kaayahan ém winunu'na.